同手同腳

有啲小朋友天生就好鍾意照顧人,

好鍾意接觸他人.....

主動同其他小朋友玩,

仲有啲好鍾意玩照顧BB玩具,

天生待人就有同理心,

可惜~~

POK 姐完全冇以上O既特質.....

唔主動跟同學仔玩~~

天生就比較自我、自私、缺乏安全感,

妒忌心比較重,

見到媽媽同細佬玩即時性情大變.....

向佢介紹照顧BB玩具仲即刻行咗去九丈遠........

打從 da da 返咗屋企開始,

da da 每日都唔知畀人暗算幾多次,

包括無意中被鬆踭, 被打臉打頭,

同埋無喇喇畀人推撞, 同用力搣~~

仲成日成為某人O既幻想對象,

被幻想成因為主動出手, 才會被還手!~~

無奈O既 da da 好彩仲未知發生咩事~~

成日主動同家姐玩...

好開心咁走埋家姐度......

見到家姐張相就會好開心咁嗌「姐姐」.......

家姐通常開始時都冇乜點,

只係當見到大家同細佬講嘢、玩......

pok 姐就開始嚟料~~

(同佢玩、傾計嗰啲佢唔COUNT!)

總之焦點一刻都唔想人哋離開佢身上~~

不過無可否認,

da da 年紀細啲, 眾人焦點難免會落係佢身上,

於是本來妒忌心已經重O既POK 姐, 

又再加重多啲啲~~

以前連爸爸攬住媽媽都唔准~~

多個細佬對佢O既心理影響真係大到......

有時懷疑自己係咪唔應該帶個細佬畀POK姐, 

我哋為咗唔想POK姐覺得我哋錫DA DA多啲, 

有時都會留DA DA 喺麻麻度, 

放工返屋企淨係湊 POK 姐,

嗰啲佢又唔諗起o架喎!! 

淨係見到我哋  (特別係我!) 攬住 DA DA o既時候, 

就開始曳~~

同埋就算講幾多道理,

下一次又會唔記得晒~~

到底pok 姐幾時先至可以 feel 到有 DA DA o既好處呢?

豬髀, 其實 da da 係爸爸媽媽送畀你最寶貴o既禮物~~

第時大個希望你會知道擁有一個跟你同一個溫室長大o既人係幾咁美好o既一件事~~

加上 da da 成日懞豬豬咁o既樣, 

有咩一定係讓畀你~~(暫時!)

希望你識得珍惜同愛護佢~~

媽媽送首歌畀你, 

希望你第日睇番會有所共鳴~~~

鬆少 da da 幾踭~~



眼淺o既pok媽每次聽到呢首歌都感動到好想喊~~

因為pok 姐都有個very good o既 pok 舅父!! 

係而家pok 媽有難, 除咗老公之外即時會諗起o既人~~