爽膚水一問

有blog 友問過以下問題, 我嘗試解答下啦!

問:

HI, HI, 化妝師，我有ｄ嘢想問吓，到底爽膚水，緊膚水，ｔｏｎｅｒ其實即係咪同一樣嘢？？？坊間都話護膚一定要搽ｔｏｎｅｒ，但我自己搽完塊面就會紅，會痕，而且ｄ毛孔會變得好顯眼，　試過几個牌子都係甘，到底會係乜嘢原因呢？？

fifi

答:
Hi fifi,

我唔係化妝師, 希望可以答到你問題啦！

其實爽膚水點樣稱呼, 每個品牌都唔同。有 d 會叫做爽膚水或緊膚水 (toner), 有 d 又叫潔膚水 (purifying water)、柔膚水 (softener)、化妝水 (lotion)、保濕水(moisturizing lotion)等等.......所以選擇時應該揀佢0既成分同埋function, 唔係睇個名稱。

如果你皮膚易敏感, 就唔好揀 d 有酒精成分0既toner (通常一聞就會聞到!), 會刺激毛孔, 渾發皮膚水分, 令皮膚更加乾和易敏感;
選擇時應該揀有軟化皮膚、保濕及抗敏功能0既化妝水或保濕水。

順便一提，用化妝棉抹上, 可以去除潔面產品殘留在皮膚上的殘漬, 又可以軟化皮膚角質,
令之後搽0既產品更易吸收。亦都有化妝水有美白、提升、緊緻、抗皺等功能, 購買時要問清楚先至好買。

敏感皮膚可以考慮如Avene 或日本Acseine, 都係敏感皮膚專用品牌。

呢兩支係我幾鍾意用0既保濕水, 都係洗面之後0既step。
(左) IPSA On the Peak Lotion Serum
(右) sjal minerl kalla energy tonic (from Joyce Beauty)
註：IPSA不是為敏感皮膚而設!

希望答到你問題啦！