偷雞

平時都唔係對可樂太狂熱, 只係食牛腩河、打邊爐、食pizza時, 就覺得一定要襯可樂先至係perfect match!! 由喉嚨度湧出o黎好真心o個下「erk~~~」一聲, 真係「gur」到不得了! 除此以外, 都可以唔使飲可樂...

但係人總是犯賤的! 見到人地好爽咁拎住樽裝可樂, 就會可樂癮大作~~但係pok pok 唔飲得可樂, 因為咖啡因會令佢第時出世有機會過度活躍 (老公已經過度活躍, 如果pok pok都過度活躍, 我諗不如直接槍斃我算啦!!~~), 而家每逢食牛腩河, 只可以叫檸水、華田、好立克.....真係若有作失, 成碗牛腩河即刻變得好空虛!!!

OH~天無絕人之路!! 最近畀我發現City Super 有 caf. free 可樂, $7.5一罐, 仲要係diet coke!! 叫做可以回味下可樂的感覺。

試飲之後, 發現其實佢只係得三成似可樂, 好怪!! 仲要有D似百事~~
算啦!! 頂住先!!pok pok 畀你贏晒~~第時先慢慢泡製你!!