操勞の禁止

剛過了忙碌的一週！

好耐都冇試過三日之內要完成九大版稿，仲要全部字字字，搵相撐都撐唔到咁多！

「做咪做啦，使死咩？又唔係未捱過！哼！」前女鐵人天真地諗！

上個禮拜經歷最癲狂的一天：早上十一點返公司影相，影到晏晝五點幾，又model又products，由白天影到天快黑！跟住入相，食埋飯，成九點先開始鬥份稿，寫o下寫o下，唔覺唔覺已經半夜1:30am，寫稿的情緒依然好高漲！好想快o的K.O份稿！

呢個時候，pok pok開始o黎料！

個肚突然漲到好硬，肚下面抽住抽住，仲有o的神經o係度跳動（定唔知係咪pok pok學爸爸跳hip hop）係咁跳o下跳o下，我就同pok pok講數, mama要搵錢養pok pok, pok pok乖乖地畀我寫埋份稿先！」

通常o係呢個時候呢個環境，我睇人o地o的blog，就會話佢o地o的BB好聽話咁即刻唔郁，or即刻順番晒！But this is my pok pok，我知佢冇咁順攤！佢完全冇理過我，自己好enjoy繼續抽住我個肚，如果佢識講o野，一定係話：「我超爆眼訓呀，mama你仲唔訓？你唔訓唔好搵我陪你癲！」

OK, FINE!! 訓咪訓囉！

but pok pok, you know, 唔做o野點搵錢養你？