最近好用

可能係轉天氣, 皮膚狀態好唔穩定, 唔敢試太多新o野, 不過呢支保濕Gel PR講到好正, 就開左o黎試試喇~~

試過又真係正, 冇呃我呀~~Veld's o黎左HK一段日子, product 唔多, 只係得幾件, 呢支蘆薈啫喱好保濕, 洗完面乾到就快裂, 搽呢支gel 即刻覺得 D 水滲緊皮膚入面, 用左大約兩個禮拜, 額頭D乾紋真係有改善, 最緊要係我皮膚而家咁敏感都冇事!! 可喜可賀!!

同埋呢支gel 最大o既好處就係可以溝其他product 一齊用, e.g. 你覺得你支eye cream 唔夠潤, 可以溝少少gel入eye cream, 然後一齊塗上眼, 就會更加保濕, 擴大o左eye cream o既保濕功效~~

不過價錢就貴少少, 應該係$900~$1,100 之間 (忘記了exact amount), o係連卡佛有售。

講完貴o野, 介紹返支平o野~~最近收到呢支Bioderma新hand cream~~

其實用hand cream都用得好多, office 枱頭一定要有一兩支, o係office 洗完手一定會即刻搽, 因為office 長年開冷氣令到皮膚好乾, 對手伸出o黎打字, 見到自己對手咁乾, 真係做o野都冇mood!!

搽左呢支hand cream, 覺得對手滑左好多, 乾紋即刻消失, 如果唔洗手, 都可以keep 住滋潤度, 同埋佢冇乜香味 (我最怕花香太濃o既handcream!!), 搽完之後又潤又滑又唔油膩, 打keyboard 絕對唔會黐住晒, 最o岩o係office用。

咁當然啦! 全世界o既handcream 洗完手之後就會冇晒, 又要再搽過, 暫時都未試到一隻洗完手仲可以keep到~~

要對手keep住幼滑, 淨係勤搽handcream都唔夠, 要下多D苦功ga!! 下次再詳細講!!