將近24周的pok pok與我

pok pok 就o黎24周, 亦即係差不多有六個月大~~時間過得好快呀!! 仲有三個幾月就要結束二人世界, 變成三人行, 真係有o的緊張!! 聽好多媽咪講湊BB真係好煩同好辛苦, 我好怕到時處理唔到~~照顧自己都未掂, 就要去照顧一個小生命, 真係有o的忐忑ga!! 希望到時一切 ok 啦!!

好彩近排工作都幾忙, beauty blog 又有好多野忙住要搞, 冇乜時間諗o的無謂o野反而更好呢~~諗o下其他o野冇咁大壓力!! hehe~~

尋日o岩o岩做完產檢, pok pok好搞笑, 隻右腳摺埋遞o左上個頭度, 而左腳就屈埋左 (好似跪o係度咁!), oh~~好一個正宗瑜伽動作!! 學mama做yoga, 真鬼馬!!

而家pok pok 只係得 612g, 得磅幾, 而我就重左十二磅喇~~oh!! 由於pok已經有番咁上下「長」, 2D已經無可能照到成個BB, 只係睇到o的蒙到爆又一舊舊的「頭」、「肚」、「腳」, 睇左等於冇睇, 過多幾個禮拜去照下4D先!!

呢排都有keep住睇o下bb 用品, 不過老實講, 我冇乜心機睇!! 唔靚o個o的都唔平, 好靚o個o的就好似搶錢咁貴! 老公更衰, 同佢踏入嬰兒部, 佢就會周身唔自在, 我諗都係要遲o的先再去喇, 可惜到時o的百貨公司已經減完價lu~~希望我到時仲行得郁啦!

最近pok pok收到首批衫仔呀!! 好靚啊~~