終於收到貨!

之前郵購felissimo o既貨終於收到喇!! 好開心呀!!

全部都係我鍾意o既顏色!!

奉勸各位要「咀嚼」本郵購雜誌兩三次, 睇到真係好想買, 先至落搭, 之前幾次訂貨, 有時收到o的貨o既color真係麻麻地, 所以今次有o的貨款我都唔敢訂!! 免得收到貨o個刻後悔!! (之前已經賴過o野!

)

睇下我o的戰利品!! ↓  ↓  ↓

方型咕o臣好cute 呀!! 黑白色太好了!! 用o黎墊地坐、「挨」都好舒服!! 佢個樣太得意喇~~不過我有謎團, 呢個character好似有套卡通片, 到底係咩呢? 有冇人知?

bear bear pancake 烙印, 下次整pancake 要即試!!

玫瑰花柄叉匙, 我抽到粉紅色呀!! 同隻碟襯埋一套!! really good!

焗爐專用焗盤仔, 一套兩個, 可以用o黎焗蛋!! 十個正!! (真係好細隻, o岩o岩好焗到雙蛋ga 咋!!)

呢套藥水膠布實在好多事呀!! 不過太靚喇! 忍唔住訂o左!!


仲有呢個郵票形打窿機!! 等我示範下先!!

搵張有圖案o既紙。

對o岩個位一夾~~

咁就夾到個有pattern的郵票喇~~用o黎裝飾DIY相集 / 手記真係好靚呀!! 襯埋之前响日本買的郵票stamp仲正!!

呢三本都係贈品, 有兩本記事簿同埋memo pad, 勁鍾意本memo pad呀, o的pattern真係超級靚~~贈品一o的都唔「渣流攤」!!

仲有一大堆免費贈閱o既郵購雜誌~~


大鑊喇~~中咗毒!! 下個月打算再訂!!