踏入3rd trimester 喇~

未到28wks 已經周圍同人講差不多七個月喇!! 舒服o既日子要過去喇~~

唔知係咪凝住會唔舒服, 呢個禮拜感覺真係辛苦o左! 肚圍冇乜點大, 都係37吋, 但係就重o左好多~~個肚硬o左好多, 訓o係度同埋坐完好凹好低o既梳化, 要起番身都幾考功夫, 腰力同臂力都不可少, 開始覺得自己好輪盡!!

個肚開始重, 要戴托腹帶~~爆熱!! 唔戴個肚又有o的墜~~原來我今個月重o左成6-7磅呀~~超晒標!! 而家total已經重o左18-20磅左右!! 希望下個月唔好超標, 重5磅左右就perfect喇!! Keep住keep住~~

仲有同老公家族出去食飯, 個個長輩都就晒我, 好幸福~~又夾好多送畀我 (勁飽!! 其實我食量冇增加到呢~~

) 搭地鐵明明奶奶對腳唔係幾好, 都讓晒位畀我坐, 真係超級唔好意思~~其實我後生細女, 對腳攰少少真係冇乜所謂~~馱bb又唔係病, 我覺得長輩比我更需要~~自己郁多o的反而冇咁輪盡~~(所以就算搭地鐵冇人讓座, 我都唔會怨天怨地~~)

上次做完產前檢查, 終於解開pok pok 成日dup 我左邊肚之謎! 原來佢個頭仔已經向o左下面 (唔知會唔會轉番上o黎?) o的手手腳腳全部側晒去左邊, that's why右邊冇乜動靜, 因為係佢個背脊o黎!! So far 呢幾日都keep 住o係左邊活動, 即係冇乜點轉到身啦!!

pok pok 原來好鍾意嗲吔同佢傾計, 雖然每次老公講o黎講去都係：「pok pok, 我係嗲吔呀!」「你好嘛?」（完全冇新意！

）但係佢一聽到嗲吔把聲, 明明sleep緊, 都會有反應~~可能已經認得嗲吔把聲! 我同佢講o野呢? 鍾意咪啋o下我囉~~

開始出動買o野喇! 不過都係軟件多, 硬件如床仔、BB車...都未扑槌~~有好多朋友慷慨支持, 好多o野都唔使買, 連媽媽奶bump都有.......慳番好多呢!~pok pok 未出世已經好多人錫~~

 

底衫~~有o的人o地送~~最右邊兩套係朋友送!! Thank you Auntie Vida~

Hallmark減緊七折~~質地好滑, 忍唔住手買左成五舊幾!! 都係冬天著o既! 其實都幾貴啊!!

小帽子超得意呀!!

買o左少少奶樽用品, 諗o左買chu chu定Bfree好耐, 最後都係買o左Bfree, 希望pok pok o岩用啦!! 不過個個都話四個大樽唔多夠用, 要再買喇~~

聽seminar送的奶樽仔~

朋友送o既baby gym~~Thank you Francis & 小翠~

仲有爆多衫仔! pok pok 唔憂唔夠衫!! 老公已經事先聲明：「如果pok pok mami 再買衫仔, 就係為o左滿足自己o既購物慾喇!!」哼! 好巴閉咩? 我決定忍手........一陣子.....咁多!!!

(一陣子有幾耐? 唔知喎! 睇心情啦!)