走油丫唔該!

Hi~o岩o岩過完非常忙碌o既一週, 趕完份萬幾字的稿, 而家終於搵番個靈魂喇!! 

前幾日已經收到呢盒黑頭treatment, 睇埋廣告覺得好吸引, 真係好想試!!

好!! 趁塊面有o的黑頭, 一於試試佢, 順便講o下試用後感~~ ↓   ↓   ↓ 



看不到請按此!!

你今日試o左未? 有冇乜o野comments?


最近真係熱到人溶妝又溶, 都未返到公司, 個妝已經開始溶, 特別係鼻位, 面油撐起晒o的毛孔!!

我有話借位畀你用咩? 冇禮貌!!

因為面油實在太勁, 一個禮拜最好敷兩次深層清潔mask~~清一清o的毛孔, 特別係有時落卸落得唔乾淨, 就更加需要。如果唔係皮膚好易積聚死皮, 之後標黑頭粉刺, 繼而標埋暗瘡, 問你怕未?!

呢幾件都係我近來o既推介:

(左至右)
Darphin Purifying Aromatic Clay Mask: 好香, 比較溫和, 用完之後唔會太乾! 幾好!
Ren Multi-mineral Detoxifying Facial Mask: Organic 牌子, 好溫和, 敷上面之後個mask唔會乾透, 咁就冇咁乾, 敏感皮膚用好好, 唔刺激! Harvey Nichols 有售。
ReVive Masque de Glase 好大罌, 有排用~清得幾乾淨, 好鍾意陣味好清新, 不過賣成千幾蚊, Joyce Beauty有售。
Lola Anti-Shine Gel 係 Janice 搭單推介, 佢話搽完防曬, 再搽呢支gel 當base, 可以控油, 個妝keep 得耐o的咁話喎!!

呢罌由細見到大o既BORGHESE Mud Mask, 細細個已經見我阿姨用佢! 我試過咁多隻, 呢隻都算清得好乾淨~~雖然佢話係face & body, 不過搽上面真係幾拮肉 (乸)~~我而家間唔中用o黎敷背脊 (敷背脊自己敷唔到o架喇~~叫人幫你啦!!

) 可以預防背脊爆瘡, 同埋皮膚會滑o的, 標o左出o黎o既瘡, 可以快o的謝~~ (不過唔好妄想深層清潔mask可以去到暗瘡印喎~~)