忽然大隻pok

上個禮拜仲好自豪咁覺得自己個肚都唔算好大, 係個輕盈o既孕婦~~點知今個禮拜pok pok忽然好進取, 我個肚由本來36吋突增至37.5吋, 突然間覺得個肚脹o左好多, 行快o的會覺得個肚墜, 開始要諗o下戴「托腹帶」喇!! (其實戴o左條帶好鬼熱呢!!) 仲有pat pat又開始痛~~呢個禮拜做完yoga一兩日就開始痛, 證明pok pok真係開始變大隻囡, 我冇之前咁健步如飛喇~~

最近自問唔係一個乖o既孕婦, 朝早好晏先食brunch, 可能淨係食片麥包加少少cereals了事, 冇蛋白質, 冇纖維; 下晝tea有時仲要食公仔麵, 係夜晚先至叫做食得豐富o的~~所以我決定畀餐有營養的tea畀pok pok (其實係自己想食!!)

今日出開CWB, 去左新寧道 (定係新會道??) 間北海道牧場食個 (佢聲稱為)「健康餐」, 雙蛋炒得好嫩滑啊~~可惜冇晒waffle, 仲有跟埋杯北海道熱牛乳都好有奶味 (麗梅姐上身?) 正!! 好過去新釗記啦~~

最近响書架度搵番《小S之懷孕日記》o黎睇, 呢本書兩三年前去旅行時睇過, 睇得好快, 實在太好笑, 一日可以幹掉1/3本, 今次再睇就冇咁好精神喇, 每日睇一個chapter, 不過今次真係懷住孕咁睇, 原來別有一番體會~~之前會專注睇o的好笑位, 一講到感情位會skip少少, 但今次睇到感情位覺得好共鳴, 講晒做孕婦o既苦與樂~~仲睇到有暗湧添呀...

小S話自己係個幸運o既孕婦, 冇嘔冇水腫冇腰骨痛, 唔係晒命, 其實我都幾接近呢個狀態。雖然要返工, 但唔使o係rush hour同有如猛虎豺狼o既上班族爭位坐, 工作上又唔使點受氣, 冇乜激氣事發生, 已經算好幸福喇~~出街shopping老公又好似奴婢咁幫我拎晒o的一袋二袋, 搞到我都唔係幾好意思呢~~