幸福の味

好多朋友都問我大肚之後口味有轉變呢? 好慶幸, 答案係冇!

咁有冇突然好想食某一樣o野而lur老公即刻去買呢? 之前可以好肯定答「冇!!」不過呢個禮拜唔知點解突然好嗜甜, 可能pok pok係女仔鍾意食甜品, 最近佢終於發威~~

某一日, 我滿心期待番屋企食我之前一晚買定o既砵仔糕, 點知, 老公二話不
說食晒, 一個都無留番畀我

, 於是o個晚.......係成晚個腦都淨係浮現一個砵仔糕的模樣, 同埋熱辣辣的砵仔糕味道........揮之不去!! 就好似最近個腦唔知點解成日轉住MJ的BEAT IT!! 只係......我o個晚replay o既唔係歌, 而係砵仔糕.......

可惜當時已經好夜, 成十一點幾十二點, 出去都冇乜可能買到好好味o既砵仔糕, 我只能夠成晚好似怨婦咁嗌住:
「好想食砵仔糕呀~~」
「好想食砵仔糕呀~~」
「好想食砵仔糕呀~~」
「好想食砵仔糕呀~~」
「好想食砵仔糕呀~~」......

成晚都好沮喪地諗住個砵仔糕, 成個人都頹晒, 冇晒心機......我一直都想用理智剋服好想食砵仔糕o既念頭......但最後, 我徹底地失敗......被一個直徑三十呎的砵仔糕充塞住我o既腦袋......唔係我唔想剋服, 係根本剋服唔到......

第二日, 好明顯老公怕鬼o左我, 即刻買番三個砵仔糕質住我 (& pok pok) 把口!! 睇o下o的砵仔糕~~個樣係衰D! 不過真係好好味! 又唔太甜~~質感爽得o黎軟, 唔會太多粉........紅豆又多又大粒!! 食落去o個一刻, 真係覺得好幸福!! 不過佢到而家都唔肯話我知響邊度買........

食咁多甜o野, 我都驚有妊娠糖尿, 不過問過醫生佢話我唔係高危, 唔使特登去驗, 佢仲問我係咪好擔心, 我話又唔係o既, 唔使驗最好啦!!
咁佢話唔使, 我信佢ga la~~