返回地球

買買買......差唔多買晒pok pok o的日用品同埋衫~~仲差奶煲、擺pok衫的櫃筒、放乾淨奶樽的膠箱未買! 仲有BB車可以等pok pok 出世先至慢慢揀~~

之前淨係買, 買o野係我強項, 梗係冇問題啦! 但係買完o的o野返去, 全部都要洗洗洗, 消毒消毒再消毒......諗起要洗晒o的pok衫我就驚, 自己買加埋朋友送o個o的, 都唔知要開幾多機先至洗得晒.......好多mama都會手洗BB衫, 但我呢個懶mama一諗起要逐件洗, 我就見暈

!! 我驚pok pok出o左世都未有衫著, 我投降喇! 都係機洗把啦!! 最多底衫用手洗~~

仲有張床買o左都未call佢送貨, 送完貨仲要砌, 砌完又要搬開晒o的傢俬放張床, 仲要洗晒o的床上用品, 真係多o野洗啊!!

一直都的唔起心肝去買pok pok 的基本需要, 但係呢o的都係pok pok最常用o既消耗品, 要用o的時間精神去研究一番, 經過多日上網睇forum & 周圍行街格價,

最後決定...

呢隻奶粉~~之前爭扎o左好耐買雪印定森永, 好多mama話女仔食雪印皮膚會靚o的白o的, 最後幾個朋友都話森永食完腸胃好o的, 日日有便便, 我覺得有便便皮膚自然好啦, right??

於是就買森永試試佢~~希望夾到pok pok啦~~


沖涼o野用呢隻, 又經濟陣味又好香的!~~好期待聞pok pok沖完涼陣BB味~~

片就揀o左呢隻~~平均價錢平過 P牌 & H 牌, 抵用!! 不過我只買得兩包, o的friend話只可以用到20日左右~~天呀! 188條片, 用20日, 除了很貴, 仲好唔環保啊!

响Honey B見到靚到爆廠o既床上用品, 不過買晒成套要二千幾蚊啊......實在太貴喇~~最後都係買呢套算喇~~咁多characters床單之中, 唯一唔抗拒o既只係classic pooh~~

仲有呢o的濕星o野.....其實好多都未需要住, 純粹係滿足購物狂買到冇o野好買但仲要買o既慾望!! hehe~~

終於有番一樣係買畀自己......坐月洗頭用的泡泡~~唔知掂唔掂呢?

仲有開始執呢個走佬袋...um...進度唔錯, 差唔多執晒喇~~走起佬上o黎都唔驚~~

可能執得太多!!

好配合我向來貪心的性格!!


尋日去見醫生, pok pok有4磅咁多, 唔怪得咁重, 唔怪得隻腳咁孔武有力, 唔怪得咁大力錐住我條腰, 果然係有食飯!!

醫生話佢個weight有少少below average~~係一個瘦pok, 但頭、肚腩 & 腳size都合符週數~~咁都ok啦! 希望pok pok唔好咁大舊, 我驚生唔出, 要剪好多......一諗起要剪......就好驚~~!! 

等pok出世先再谷肥佢~~而家o岩o架喇!! haha~~

OH~~老公下個禮拜要出成個禮拜trip, 醫生又要放假兩個禮拜, pok pok要乖, stay响個肚度夠時間先好出o黎, 如果唔係就呢hea喇!!

papa mama doctor not yet ready ar!!