我的新玩具~~super mini shabu shabu

前兩日無啦啦殺入沙田, 行過 city'super, 見到有road show賣小家電, 八八卦卦走埋去睇!! 見到呢個粉紅色 shabu shabu鍋~~睇睇價錢,
$168.....

有冇搞錯? $168 only? 仲要係我最鍾意o既粉紅色, 諗都冇諗就帶o左佢番屋企喇!!

可以蒸、煎、打邊爐、煮......

粉紅色好靚!!

水滾喇~~試試佢先!

試o下蒸珍珠雞先......

六分鐘後...珍珠雞搞掂! 都夠熱喎!!


又再試o下...

煎到餃子個底有少少焦...

加水焗 5 分鐘......

又掂!!

初步試驗成功!! 個鍋好夠熱!! 下次整日式燒肉同埋shabu shabu先!! 十個正!!!

  佢另外有個二人size的, 不過o個個唔係粉紅色, 賣三百幾蚊~~

如果你一個人住, 屋企係studio flat冇廚房, 呢個好o岩用, 份量o岩o岩好! 仲可以帶番公司, 食lunch o既時候煮少少簡單o既食物~~減肥時可以用o黎烚菜, 下午茶時間可以o係公司蒸o的燒賣賣畀同事, 係咪好good 呢?? 

  諗多o左~~!!

佢話o係沙田擺檔擺到 29 號~~miss o左都唔緊要, 有個網址可以去睇睇, 仲有好多得意o既迷你小家電~~不過佢話直接去office買價錢就冇咁平喎......

www.premier-hk.com

其實我仲睇中o左個粉紅色電子水煲, 好靚好靚~~不過屋企o個個仲好好o地...最後都忍手冇買到!!!