34週
三個禮拜冇見醫生, 佢放o左假啊!! 不過唔使佢照, 我都知pok pok大隻o左好多......
因為肚dum大到癲!! 仲頂到我個胃好痛, 而家朝朝六點幾就無喇喇醒o左訓唔番......一係餓醒, 一係急醒, 一係痛醒, 一係畀pok踢醒......真陰公!! 到底幾時先至可以訓好o的?? 定還是我唔使旨意訓得好??
上個禮拜五, 一個人勇闖BB Expo!! 堅!!
諗住禮拜五下晝最少人, 點知原來最多人, 實在誇張!! 原來有BB展的話, 家長們會特登請假去排$1奶粉的!! 我知錯了!! 我以後唔敢了!!
去BB展睇o野係順便, 其實主要去探個friend Maggie多o的!! 佢响expo開檔賣揹帶, 我避人避o左好耐先至迫到入去, 仲要大聲嗌先見到我, 實在太太太太多人.......
平時o係街度守身如玉o的大肚婆, 去到BB expo咪一樣同人迫.....?? 係咪真係咁值得? 見仁見智了!! 我見到咁o既情況, 第一時間呢埋入個friend個檔口......唔敢亂咁出去了!!
見佢忙到踢晒腳, 幫佢做收銀員, 真係收$$收到手軟~~勁好玩!!
(呢張影到個鼻好似大o左!! 到底有冇大到呢? )
好多貨! 但都好似唔夠賣........
臨走mag送我一條有得調校長度的揹帶........(佢自己o既出品)
AND 呢條姣爆sling......(雙面粉紅色, 死未?!)
最後, 畀我闖到出去, 我都唔敢再行, 淨係o係入口附近的NATURE PUREST買o左兩件organic cotton玩具, 一隻豆袋熊, 一隻有噹噹的獅子仔畀pok咬~~即閃了!!
BB Expo~~我怕了你!! 以後冇咩事都咪搞我了~~
引用: http://hk.myblog.yahoo.com/tongmaggie/article?mid=20655
留言
發佈留言