忙碌的Last Month...

咁又過o左個幾禮拜, 眨o下眼就到o左最後一個月...pok pok 聽日36週!~~勁!!

呢個禮拜有咩事發生呢? 除o左好忙好多o野做......就真係冇乜事發生.......其中一位契媽話驚我星期六日放假悶, 諗住上o黎陪我......

然後.....

我忍唔住數晒我要做o既事出o黎, 我都覺得有點amazing, 邊度有九個月身己的大肚婆咁多o野做??

到底我可唔可以放假之前寫晒o的稿?

可唔可以洗晒pok pok o的衫?

要消毒o既o野趕唔趕得切消晒毒??

可唔可以清理得晒我公司張地獄枱??

可唔可以update到個beauty blog?

可唔可以sip到時間享受我僅餘最後的一滴自由?


諗起我o既自由墳墓, 不勝唏噓......唉!!! 

由得我啦!! 呻o下o者......

講番pok....

醫生終於放完annual leave, 我終於安全!! SAFE!! 尋日去o左照pok.....

自從睇o左呢個醫生, o的ultrasound 我都冇心機keep, 根本就睇唔到甚麼是甚麼......淨係見到一團團o野, 然後醫生又整個圈圍住團o野, 度o下幾大, 咁即係咩o黎呀, SIR?

呢個可能係pok肚......35w6d, fit到漏~~

呢團可能係pok頭......., 35w0d, 都係同average差不多.....

呢張真係衰到唔恨......不過睇到pok 已經有2649g, 即係5.8磅左右, 醫生話出世時應該有六磅幾咁上下, 唔大唔細, 非常good size!! 千祈唔好太肥......你知我驚乜ga啦!!!

最後一個月, 真係要用個「捱」字頂硬上!!

pok, 你千祈唔好學mama咁, 出trip鍾意stay behind~~唔該你準時少少當幫忙!!

(驚完佢早出o黎, 又驚佢遲出~~煩呀!!)