慘過自己冇...

話說,

上兩個禮拜開始幫pok pok轉奶粉,

食緊o個隻太熱氣,

粒粒多到周身都係...

咪試o下囉!!

點知,

轉o左一個禮拜,

pok 便便去得好差,

由初頭兩日一次,

直到尋日竟然變成...

隔四日先至再poo poo...

一次過痾晒四日o既份量...

由第三日起,

已經開始擔心,

日日pok pok都好努力,

出盡九牛二虎之力放屁屁,

boop-boop-boop...

又臭又響...

飲奶已經要好多力,

而家連放屁去便便都用勁多力...

真係辛苦...

搞到飲奶都冇乜心機...

心痛心痛!

做人最緊要食得訓得痾得...

pok pok 獨欠「痾得」!!

好明顯呢隻奶奶同pok pok八字好唔夾!!

唉...

奶粉又唔可以轉得咁密,

進退兩難...

點算先?

惟有畀佢飲多o的水啦!

點知,

pok 原來好憎飲水o架!

一飲到冇味, 就頂番個奶咀出o黎~~

咀刁刁~~

次次見佢谷到塊面紅晒,

想去又去唔到...

真係好肉痛囉!!

仲慘過自己冇呀!!

而家惟有幫pok轉番原本o個隻奶粉啦!

好多人都話唔好轉得咁密呀!

但係如果係你,

你會繼續忍受佢四日先至poo一次,

定係狠心o的幫佢轉番原本o個隻呢?

身邊朋友不斷提供好多方法,

人人都講一套,

呢個朋友講完,

另一個朋友又會 ban 番之前朋友講o既方法,

我聽到好煩喇!!

算把啦!!

唔再聽喇~~

始終每個 BB 體質都唔同~~

加上 pok pok 月齡仲細,

好多古方我都唔敢試~~

惟有走著睢啦!!

對唔住呀!!

無知的媽媽幫你轉錯奶粉,

令你受苦喇!!

pok, 希望你轉番之後會好o的啦!!