醜樣豬滿月了!

醜樣豬今日滿月喇~

醜樣豬繼續係醜樣豬...

由 3.25 kg升到而家4.61kg...

雙下巴同鄭則士有得fight...

就o黎肥到夾出第三個下巴喇!!

搽o左醫生o既藥膏, 奶癬有少少改善...

但仍然有好多粒粒...

身為美容編輯,

個女爛面卻幫不上忙...

很慚愧的啊~~

不過 pok 又唔搽得skincare,

又唔可以唔食奶...

我冇計 ga 喎!!

滿月o既 pok 沒有優待...

要去健康院打針...

第一次親眼見 pok 畀人拮大髀,

支針原來都唔幼 o架!

個姑娘仲要唔係善男信女, 好惡的呢!!

(對我o地!)

好彩佢打針夠快狠準！

過程都唔知有冇兩秒...

但係我就覺得支針好似打o左十分鐘咁耐...

支針拮入去大髀仔, 嘩一聲大叫...

心痛死我喇!!

真係勁心痛呀!!

滴眼淚差o的又流出o黎...

真係冇用!!

原來真係會心痛至此...

以前睇 Titanic 都唔會喊o既我...

突然變得好多愁善感...

點樣會咁呢?

pok, 係咪因為你呀?

關我咩事?

每日都瘋狂地幫 pok 影相!!

記低佢個樣每日o既變化,

再睇返佢o岩o岩出世個樣,

由楚楚可憐咁o既女仔樣...

(剛出生兩天...)

變成而家呢個牛王妹樣...

原來已經過o左一個月,

呢個月有血有汗有淚...

但滿足感卻係前所未有...

大過做o左份畀人激讚o既稿...

好多好多...

今早四點激喊聲響起...

「妖」了一聲,

但看見pok後,

怒氣即時化為烏有...

那怕激喊聲一直到七點?

(不過最好唔好有下次啦!)