嬲你唔落啦!

pok 同好多BB一樣

鍾意三更半夜挑戰我o地o既底線...

一到十二點幾左右, 佢就爆喊...

又可稱為狂喊, 激喊, 喪喊, 怒喊, 超級巨喊...

仲諗到咩形容詞?

各位半夜喊B之mama可在此發洩!!

呢個時候, 只有埋身餵mama奶先至可以止喊!!

冇安全感卦?!

咁第時唔餵mama奶點算先?

餵完, 你知mama奶唔飽o架啦!!

然後兩三點又要lan起身再餵奶粉...

睇唔睇到大家有幾眼訓先?

最近日頭間唔中會激喊,

不過多數都係肚餓, 又未夠鐘~

奶奶見狀, 即抱!!

有時, 仲要即時拎條揹帶出o黎!

使唔使呀?

佢只係肚餓又未夠鐘食奶o者!

喊多o的, 個肺強o的呀!

更加擔心畀佢湊, 唔縱壞先奇!

奶奶唔湊係一個問題...

奶奶湊又係另一個問題...

苦惱中...

某日,

黃昏時段又扭肚餓...

玩到爸爸 tum tum 轉...

(我隔岸觀火, 仲o係度影相!)

呢個「乙水」囡連環圖...

第時真係要畀pok睇番~!

tum 完深情對望...

飽死荷蘭豆!!

終於等到食奶時間...

個樣使唔使咁lum呀?

真係嬲佢唔落~~