六安童?

最近POK POK苛索無道!

平時食開五安奶...

每隔三個鐘食一次...

前幾日...

食完五安之後...

我拎開個奶樽...

佢仲o係度叫生晒...

又喊生晒...

個樣慘到呢...

OK!! FINE!!

開多一安畀你囉!!

點知...

唔夠兩分鐘...

又 "對" 晒!!

仲想食?

又點知...

隔兩個幾鐘之後 (都未夠三整粒鐘!)...

又扭計...

有冇咁肚餓呀?

塊面已經「冇乜肉」(反話!) 喇喎!!

已經係同月齡小朋友之中第二「瘦」喇喎!! (反話again!!)

唔通食奶粉都有「猛長期」?



(「猛長期」係乜? 唔解釋咁多喇!! 自己上網查啦!!)

於是呢兩日...

就畀 POK 開始食六安奶...

餐餐清晒!

再咁落去...

好容易OVERWEIGHTo架喎...

唔知會唔會keep住食六安...

做「六安童」呢?

一罐奶粉從此又消耗得更快!!

貴啊!!

 

以前總覺得...

mama們圍埋一齊...

討論小朋友食幾多安奶...

簡直係天下間最無聊的話題!!

而家覺得,

BB食幾多安奶,

簡直係比全球氣候暖化、政改方案等等...

更值得討論的問題...

 

p.s.

POK POK 劇場

「mami, 畀多少少奶奶我飲丫! 少少咁多多丫!」
(設計對白)

「畀多少少啦!! 少少咋嘛!! 咁孤寒o架!!」
(設計對白)

「...

」