屎上最徬徨嘅一天!

上個禮拜日...

我o地 blog 搞gathering...

大家都知啦!!

平時 sunday 多數我同老公兩個湊 pok pok,

咁要搞gathering喎, 邊個湊呢?

咪得番我老公囉!!

不過o個日pok pok 整o左壇杰o野畀佢嗲o地嘆!!

嗲o地感慨之下,

o係facebook 寫o左以下一篇note...實在太好笑喇...



決定同大家分享!

注意: 屎尿屁字眼可能會引起觀眾情緒不安, 敬請留意!!

嘩！尋日勁咯！

話說POK MA尋日去咗搞佢個blog 聚會！

令我可以有一次難得同Pok Pok 二人世界嘅機會，

好喇！一餵完奶, 佢就想屙 ”§”！

（我點解會知呢？只要大家睇番佢谷紅片段就知原因喇！

佢尤其鍾意坐喺我大脾屙，唔知係咪因為夠肉地呢？）

我見佢屙得咁高興咪放佢喺梳化坐住慢慢屙囉！

放低佢之後，我就去洗衫啦......

突然間聽到佢爆喊, 我就即刻由廚房衝出黎睇吓咩事，

根據我嘅估計，可能係佢儲左兩日, ”§”多得滯, 由後面漏出黎

正當我想讚自己醒目仔之際，我先發覺原來我係白痴仔至真。

因為佢實在屙得太多！

多到谷住晒係條片後面而我又唔知喎！

我諗住放平佢同佢換片嘅時候！一放平就知大鑊喇！

佢成個人嘅重量壓咗落條片度，啲 ”§”就順勢由條片流到佢成個背脊都係！

三層衫都中招！

咁我唯有一個人同佢沖涼，但係當時我真係唔知應該做咩先，

好徬徨！除衫先又驚佢凍親！抺左先又驚之後件衫Hi 番落去！最慘係成件衫都係 ”§”, 仲要係過頭笠喎，Pok Pok個頭又大，我唔知點除先唔會整到佢個頭......

呢個時候，佢竟然係度笑......

就係呢件衫喇，案發前仲笑得幾咁開心！

(音樂響起......請參考楊千x嘅小城大x)

脫下來，豁出去，可糞便染雙腿，抺完屁股卻撈亂程序 (~冬冬懂動凍冬~)

佢回頭，我不許，連埋衫剝清佢，脫埋褲先再洗極疲累

每年這天記得再流淚

換完之後，又係咁笑！佢就笑得開心喇！難為佢Daddy！

hehe!! 好彩好彩!!

避過呢一劫!!

睇o黎都係整定 daddy 要做阿女o既奴隸!!

哈哈哈!!

daddy 處理得好好!!

下次呢o的咁繁複o既手續都係留番畀daddy搞啦!!

老公加油!!

yeah!!