新COLUMN - 我的懷孕之旅 (回顧)

其實pok pok 未出世之前, 一直有o係我自己個blog度記低懷孕過程,

第一次馱bb, 所有經歷都好似探險, 唔知自己o係咩位置, 唔知下一步會點,

身邊朋友又多數未生仔,

同佢o地講好似對牛彈琴,

佢o地聽完都唔知畀咩反應我好!!

哈哈!!

惟有寫blog發洩!!

馱住 pok pok o個陣, 日子到底係點過o既呢?

o黎緊就將我o既懷孕歷程同埋湊初生 pok pok o既苦與樂,

o係 iwritebeauty blog 再 post 一次,

等多o的媽咪可以分享到!!

未結婚未懷孕o既都可以當趣事咁睇!!

其實...都幾笑中有淚o架!

第一篇...

就由我發現自己有o左講起...

我們之間......有了第三者!!
(原載於2009-03-31)

消失左太耐喇! 真係唔好意思, 有好多野想寫呀, 發生左好多事! 奈何體力同埋心機都好有限......連Beauty Blog那邊都冇乜心力update~

而家終於穩定 D 喇! 可以講下呢幾個月發生左乜野事!!

無錯~~就係我同老公之間出現左第三者.......

呢個不速之客, 真係令人措手不及, 用左好一段日子消化呢個咁突然0既消息! 幾經辛苦, 終於捱過左最難捱0既時間~~等我逐 D 回顧下呢個令人咁坐唔安訓唔落0既過程~~畢竟都係又痛苦又難忘又驚喜0既複雜心情~~呢三個月, 從未試過覺得時間過得咁漫長...

就由第一日講起......

話說去完東京, 成個人仍然處於極度興奮與疲累之間, 我發現我親愛的大姨媽遲左 5 DAY 都仲未來探訪我, 我都未覺得有問題, 因為佢試過遲到 7 DAY 咁多! 不過對波又谷到好鬼痛喎~~同埋0係東京已經FEEL到超級姨媽痛, 為何遲遲都唔0黎先? 心諗唔通......我TOUCHWOOD TOUCHWOOD 我 TOUCH TOUCHWOOD , 心血來潮, 一於買支棒驗驗佢!! 等左幾十秒 (定係一兩分鐘呢???) 總之時間好似過左成粒鐘咁漫長......

結果如下......

當時我個表情......我諗大概都係

咁啦, 同埋個口要用隻手托一托先至可以合番埋.......

喂喂喂......咪住! 左邊0個條好浮0者!!!!! 點先??!! 信唔信你好先??!! 連打畀老公都覺得唔需要!!

於是我影左呢張相, 拎畀有用棒棒經驗0既 friend 睇, 佢毫不留情咁話: 「其實都好明顯下喇喎!! 你快D去睇醫生把啦!!」

睇咪睇!

一照, 結果如下......

醫生話：「係啦！證實係有左BB啦！而家5 weeks倒！呢個圈係BB間屋，即係胎囊！而家仲未照到心跳，過多兩個禮拜再0黎照啦！」

間屋, 直徑1.18cm.....

↑  ↑  ↑ 

我個人, 0係照完之後幾日, 一直都係呈現呢個狀況, 唔知點形容喇!

(待續......)