pok pok變變變

呢個小朋友,

今日四個半月喇!!

心血來潮睇番佢o岩o岩出世個樣...

同而家比, 簡直係兩個人...

o岩o岩出世個 pok 樣,

而家o係腦海裏面已經好模糊!!

唉...

pok實在大得太快喇!!

mami好唔捨得你大得咁快呀!!

睇見你愈大, 我就愈覺得自豪~~

大家睇o下佢個雙下巴就知啦!!

哈哈哈!!

我怕會忘記得太快...

係時候o黎一次重溫!!

pok pok 個樣係點變o架呢?

一齊睇o下!!

↓    ↓    ↓

New Born!!
而家睇番....仲係覺得佢好似我阿媽呀!!
因為我都好似我阿媽, 而POK又似我, 所以POK未收水o既時候,
就勁似 (肥底o既) 婆婆喇!!
呢個邏輯可唔可以成立呢?

兩日人仔!!
收左水, 同出世o個陣已經唔同晒...

7 days
好多fd 都話呢個樣似我...
連我自己都覺得好似...
呢個世界有另一個人咁似我,
我覺得好變態呀!!

15 days...
呢個樣原來似嗲o地...

一個月喇...

個半月...
表情多到笑屎人...

兩個月喇...
我只能夠講...呢隻奶粉真係勁好吸收...

兩個半月...
開始似而家o既 pok 喇!!

三個月,
基本上除左塊面又多o左肉之外, 都冇乜分別o既!!

三個半月...

四個月...
塊面又再過份o的o的...

今天...
爆晒鈕呀!!

Baby Natalie
我都唔知幾多個月...應該同POK而家差唔多掛!!
一樣有爆鈕o架!!
不過, POK 仲多頭髮過我囉!! HAHA...
大家又覺得似唔似呢?

做o左mama 四個半月,

習唔習慣? (好少人咁問自己ga喎!)

其實真係唔多習慣...

成日o係湊女同私人時間之間拉鋸...

生 bb之前, 我係一個自我, 又鍾意享受生活o既人...

一年去幾次日本掃貨...

平日忙裏偷閒約 PR 去中環食個 high tea...

又去蘇豪買下o的唔等使o既o野扮有品味...

星期六日去西貢吹o下海風, 踩o下單車...

約埋三幾個女仔一齊玩美女廚房煮意大利菜 & 日本料理...

自由自在, 生活十分寫意...

突如其來o既一個驚喜, 將我寫意o既生活徹底改變!!

平日忙住趕稿, 趕住番屋企湊女...

press event 盡量少去為妙...

行街?

每次都係 "攝" 時間經過快睇五分鐘...仲要有時係睇 bb o野...

每日都o係忙碌中度過!!

星期六日更加全日畀 pok pok mark 晒~~

不過, 再辛苦...

見到呢個 POK POK 豬一個笑容...

所有犧牲都係值得o既!!

進入一個新階段...

冇人會好 ready...

只有殺到埋身, 先至會去諗點行...

每日湊住pok pok...

我呢個新手媽媽, 唔掂都要扮到好掂...

其實我有好多o野唔掂ga!!

我都好想去行o下街, 去o下日本, 約朋友食晚飯o架!!

人就係o係呢 d 不斷爭扎o既過程入面成長...

仍然係大細路o既我,

其實每日都同 pok pok 一齊成長緊...

pok pok 學習做人, 我就學習點做一個似樣o既媽媽...

唔知應唔應付得o黎...

都係o個句：「盡人屎啦！」