反胃指數 (回顧)

(原載於2009年4月8日)

Pok pok未夠三個月時, 吽仔真係堅辛苦, 唔係講笑!! 除左個人好易喊之外, 最慘0既就係明明之前好愛0既美食, 都唔係好想放入口, 有啲仲見到張相已經反胃, 千祈唔好畀我聞到味!!  

經過六個禮拜吸取之經驗, 發現pok pok其實係個辣椒仔/妹!! 主攻辣嘢, 次攻酸嘢!!

, 不過其實呢兩味我之前已經好偏愛。不過鬼叫你喺我個肚入面?? 我認我改咗姓賴!!

頭號敵人 - 雞湯!! 反胃指數100% (而家見到張相都仲想

!!)

咖喱豬扒烏冬safe!! 0%!!  因為是微辣的!!

Pizza - 50% (試過有一日勁想食pizza, 第二日咪拿拿臨走去食pizza囉, 點知喺間餐廳出面聞到陣味, 立即作

!! 畀佢玩屎!!)

日本拉麵 - 湯20%, 肉80%, 麵30% (一定要加七味粉! 否則反胃!!)

生炒骨 - 菠蘿&青椒10%, 排骨90%

以前好鍾意食的忌廉汁pasta, 反胃指數100%, 之前見到張相胃都反埋出嚟!!

好彩呢三個月有蕃茄薯仔湯呢個好朋友陪住我!! 否則成日食辣嘢肯定燥狂!!

普通蔬菜 - 反胃指數 80% (想食菜?? 食泡菜啦!!)

冬陰公湯 - 至愛!! 0%

最慘就係要戒生冷嘢, 魚生飯呢D高危嘢周圍所有人都嚴禁我食!! 仲要戒好多個月呀!!

我好想食魚生飯呀~~~!!

P.S 好彩pok pok 都算乖, 咁耐只係令我

過三次：

第一次：唔知點解刷刷下牙, (都唔算刷到好入!), 突然反胃, 淨係嘔胃酸咋!! 我都未食嘢!! 冇嘢嘔呀嫂!!

第二同第三次：都係食咗早餐再食維他命，然後pok pok反應好大!! 即刻衝入廁所都衝唔切, 成份早餐嘔番晒出嚟~~夭!! 嘔完又再餓過, 0徒晒啲米飯呀!!

P.S. POK POK 四個月帖陶駒
(正確寫法yahoo話係「不恰當用字」!)
真吹漲!!

中巴要跟我學番兩招!

對住嗲o地, 永遠都笑得好誇張!!
勁唔抵得呀!

剎雅人...

MAMA, 我要愛的抱抱!
你又唔係瑤瑤....

我係POK POK, 未請教!

突然咁斯文, 有o的唔慣!

似唔似海洋公園隻海瀨?


~貼相完畢, 多謝收看!~