十級痛變趣事 (回顧)

最近開始o係網上睇好多好多生baby的info同埋blog, 有一篇講生仔過程寫得好有趣, 竟然將十級痛形容得咁搞笑, 不過一睇到個過程都覺得好驚! 

唔理咁多喇! 到時先算啦!!

呢個經歷唔係我o架~~

係copy from 其他mama!

三日兩夜屯門醫院CAMP

DAY ONE

25/01/09  08:00

自己一個入了屯門醫院，食了個大家樂早餐補氣力，原來Canteen D野幾好食。

之後上去A7房量血壓聽胎心跳等，有個年輕女醫生話來幫我檢查，

點之一手就篤到我下體流血，流左幾舊類似牙肉物體，條友真變態。

隔左陣又有個男醫生來睇，個樣好慈祥的，明顯是Senior級！

不過佢過到來只係講左句『呢個好可能係初一B呀…』，跟住就走左…

再來便是有姑娘話安排我去產房催生，但足足等左個幾鐘，我在打NDS…

 

25/01/09 11:00

去到產房，有姑娘幫我穿水，感覺幾好的，有D暖笠笠野在下面郁郁下，

之後又忽然一吉，痛左一下，好多水湧出來，絕對是勁過小便和姨媽到的！

我即刻諗起D日本AV女星成日話潮吹，係咪就係呢D Feel…

之後去左一間大房，有四個Mammy一齊陣痛等生，

不過只有兩個姑娘睇，其他的人都在門口討論年三十晚食D乜好…

起初一穿水已有陣痛，約十分鐘一次，唔算好痛，感覺只似好肚餓。

期間我好想聊隔離床的Mammy傾計，不過大家都好靜的…

亞B在肚內Keep住一郁，就有好多水湧出來，感覺真的很尷尬，

因為醫院比的姨媽棉早就濕透，已經成個PatPat成床都係水…

 

過左兩個鐘到，約15:00，陣痛密左，約五分鐘一次，感覺似M痛加強版，

因為不能吃喝，所以醫生幫我吊了鹽水保力，同打了支止痛針…

止痛針其實無咩幫助，打完一樣是痛，不過開始好眼訓…

正好果段是我平時的午睡時間，我真的忍唔到…

每五分鐘的陣痛，有四分鐘在訓覺，就係痛果幾十秒先醒，

訓下醒下果時聽到同我一齊入去的一個Mammy已經生得，

我即刻都唔執輸，跟住姑娘同果個女人講的來Feel下，

原來去到條宮頸開始開的時候，感覺是很急尿的，仲會有D急屎…

咁我跟住呢個感覺去探索多陣，約大半小時後，便向姑娘求救，

原來唔覺唔覺已開左三度，咁便推我入去另一個產房了…

 

25/01/09  17:00

入到另一間房，有四五個助產士陪我一個，感覺即刻豪華左～

我開始好痛，真係好想柯屎，不過我仍然訓得著…

助產士叫我千祈要忍住唔好柯，因為如果度數唔夠會整傷宮頸，

佢教我一痛便不停呼氣，好似吹蠟燭咁，千祈唔好嗌！

我忍左成個鐘，好辛苦的，但都只係開到六七度到，

期間果幾個亞姐又在討論年夜飯的問題，當時真的很慶幸自己在過年生仔…

陣痛持續加劇，真的要爆，是超急爛屎又唔比柯的感覺，

仲要加入皿想，是問誰會在要爆屎的時候吹生日蠟燭呢？

之後便開始按捺不住，點都要柯了，姑娘過來一Check，終於夠十度！

 

25/01/09 19:15

度數開夠，姑娘即刻幫我拆床，原來張床識分體的，好似機械人！

拆左個尾冀之後，PatPat零空，手拉手把，腳要Mak大！

佢叫我試下生，我用力一必，見到黑影，佢地即刻Call醫生。

醫生黎到我一睇，又係今朝篤我果個八婆，呢獲真係慘！

之後的生產過程，思緒一直都好紋亂，五個人不停的鬧你，自己又夠痛…

『拉實把手啦，挺高D個Pat…』『對腳打橫，定住就唔好郁啦！』

『痛就柯，柯十秒，唔好停！』『唔好嗌，唔好Side力呀！』

最搞笑果兩句：

『叫左你唔好出聲你仲”唔”？』咁大便唔出個個都”唔”佢出黎架啦…

仲有『柯完十秒就吸啖氣再柯，唔好呼氣呀！』咁唔呼又點吸呢？

果時醫生叫我『有痛先好用力生』不過真的太亂了，已然分唔清，係唔係都必…

又同我講左幾次『得架啦，柯埋呢次就出左黎架啦…』都係流料！

之後姑娘先開始幫我剪會陰，因為生仔夠痛，剪陰真的無咩Feel了！

不過在剪陰期間，我又忍唔住必，姑娘剪到一半即刻拎開把較剪…

就係果一必，Baby出來了～感覺就是一舊陳年硬宿便，終於排出～

排左個頭，就連埋個身，成隻滑珊珊咁流出來了～果時真的即刻諗起波兒！

出左黎之後，成個世界好似靜晒，思緒平復，姑娘放左佢在我肚上問我仔定囡，

我答左句『長周仔』，之後我睇佢塊面勁多粒粒，我就同姑娘講佢係『麥樂仔』…

跟住姑娘幫佢洗白白，而我就在一片寧靜中休息，聽住D姑娘話佢乖感覺真的好舒服。

但休左唔夠幾分鐘，姑娘就話要幫傷口聯針，在最舒服的時候又要痛過…

難怪好多人都會話聯針痛過生，痛多一倫，終於搞店晒。

因為已過探病時間，只在產房外見到個佬一面，拎左個愛心飯盒，感覺真好，佢話個仔好似ET。

 

25/01/09 21:30

搞左一大輪野，終於可以返房訓，安排左我在窗口位，多個窗台擺野真好！

由於生完之後十二小時係唔比落床，所以姑娘唔肯比睡衣我換，

咁我就無著底面褲，連b笠都無戴，只嬲住件上衫咁過左一晚…

坐低無耐已經有姑娘抱左亞b過來要我餵奶，自己都未食就要先餵佢…

岩岩生完都未上奶，跟本只有幾滴，亞b又唔識食，真係啜到好痛！

醫院比左份指南話每次要餵廿分鐘，我知跟本做唔到，所以果晚報左幾次大數…

到左半夜，要交小便樣本比姑娘，亞妹終於有救了！

雖然是很尷尬，但總叫有人幫你洗下傷口…唔洗再綁住果兩舊棉…

唔洗再訓在果張滿血的床墊，更手換埋網褲和孕巾巾，即刻清爽晒！

由於生果時訓得太多，晚上真是好精神，不停的Send Msg報喜。

訓覺果時，慣左手勢摸住個肚，忽然有野郁左下，嚇死我，原來只係宮縮，唔洗生過。

 

DAY TWO

7點就要起身食早餐，是零味道的碎肉粥，跟手就要Mak大對脾比醫生檢查，

到左10點，終於有姑娘醒起要比件睡衣我落床，落床真係好痛，好驚爆線！

再而吉吉下咁行入洗手間，個頭是前所未有的亂！先醒起生果時熱到好似發燒～

果個Moment真係好後悔自己聽左D前人講，乜野洗頭澡涼野都無帶入院…

企左起身先發現自己個肚仍然好大，因為子宮仲未收縮，似足五六個月果時咁…

而個肚臍仲誇張，之前是平左，而家是凹返不過有成吋長，仲超黑勁核突！

搞左一輪衛生之後，返埋床姑娘便張亞B推左黎比我，叫我簽收返個BB…

政府醫院果然係政府醫院，診金是只包生仔唔包湊仔的！

亞B的腳到綁左個防盜器，姑娘話是怕有人偷嬰兒，不過我估是預防大陸媽咪夾B潛逃！

跟住的下午，我便好乖的按時餵奶，閒時訓教，姑娘仲教埋我餵奶粉和掃風！

其實果到D姑娘多數都幾好人的，係有化妝果D幾個惡D，後生囡真係無咩禮貌～

多嬰兒的地方自然成日會有群Cry會，多獲都參加左一次，我話佢好無性格。

到左晚上的探病時候，終於見到個佬了，不過亞B訓得好冧，無起身叫Daddy～

 

DAY THREE

產後的二十四小時便可以出院，即係我在晚上八點走人，住多一日，要$3300！

呢兩日姑娘幫Baby先後打了2支針，仲做了聽力檢查，佢話亞B唔知左定右耳唔合格，要覆診。

我無留心聽因為正好開飯！最後一日的兩餐都是好OK的，可能是當餞行，大拿拿兩隻雞脾！

果日的下午因為心情輕鬆，同附近床的Mammy都有傾下計了…其實亞B七磅五都算幾叻啦！

到左晚上，個佬黎到湊埋亞B一齊返屋企，三日兩夜連生仔，埋單都只係$250，真係抵到爛！

本身打算搭輕鐵慳多幾十蚊，不過亞B餓到發甸，打的回家！

 

咁便完成了三日兩夜CAMP，生仔係痛，不過無想像中的痛，未有十級～

醫院是悶，不過比想像中熱鬧和溫馨，成個生仔過程，感覺真的不錯！

引用:
http://din55555.spaces.live.com/blog/cns!1AB5DC35D6361C44!2976.entry

我的賽後檢討遲o的先至出呀~~
大家記得密切留意喇!!
而家睇住人o地o既經歷先啦!!