暴豐乳之前夕... (回顧)

(原載於2009-Apr-07)

好耐以前已經暗中發誓萬一第時有BB, 打死我都唔會踏入賣孕婦裝0既舖頭半步! 又一次證明人真係唔可以胡亂發誓~~上個月我終於忍唔住, 踏入SOGO 6/F 的「奇妮」孕婦裝, 連個名都特別「奇妮」!!

本來我真係好唔想行入去......但係眼見某處一日一日咁谷大, D現貨差不多全部certified, 連無幾耐之前响馬莎買0既 (已升cup) 都差不多要爆, 我就不能不屈服於穿「孕婦裝」呢個宿命!!

一入到去, D孕婦裙、褲我真係望都冇望, 直接衝入舖頭最深處, 拿拿淋埋首於我0既目標, 衝入去之前仲要左望右望有冇熟人經過!!!
真係比做

更難受!!


本來都冇諗住買0既我, 好快就畀sales捉左去試身!! 唔試尤自可, 一試之下不得了!! 簡直成個人鬆晒 relax 晒, 之前「cool」住0既感覺一掃而空, 化為烏有~~~wow!!! 但係我見到個款, 莫講話老公, 連我自己見到都唔多開胃, 但係relax 的感覺又令人多麼欲罷不能.......算把啦!! 深呼吸一下.......就帶左三個返屋企.......埋單咁就千幾蚊!!!

我.....未試過用千幾蚊買啲自己咁唔願意買0既嘢......oh my god!!

Pok Pok 你今次贏啦!! 我真係無話可說!!

我亦都好深信, 呢次只不過係開始, 仲有好多我唔願意買0既嘢等緊我!!! 點解孕婦bra冇good taste D 0既款? WHY??????????

我選黑色和肉色, 個sales仲話我, 「你揀D色都幾素喎!」大佬呀! 唔通咁0既款仲要嚟個花俏0既淡粉紅色 & 純情0既米黃色嗎?? 如果你有出 shocking pink 我都會考慮下囉!!

咁大個女未試過著個bra有三排扣 x 四段size, 成15個扣!!!!

神秘裝置 for 餵奶~~條肩帶真係粗過隻手指!!

我要為這個數字自豪嗎??? 買大左ga!! 而家都85D, 到生0個陣咪G奶??

估唔到訓覺又有另一個款!! 原來係一個少女款!! 有lace的, D lace好娘的!!

仲有, 原來妊娠紋會標到上心口!! 呢支真係唔慳得!! 個friend 介紹, 希望有效!! 日日搽勤力到不得了!! 靠晒你喇!!!!