I love MAC!

大家第一支唇膏係買咩牌子呢?

記得讀緊中學o既時候, 當年 (我o個個年代啦o下!)

化妝返學簡直係離經叛道囉,

化妝 =  發姣囉....去溝仔囉.... = 群o左班壞人囉......

(我o個個年代係咁o架喎! 而家o的九十後梗係要叫我一聲阿嬸啦!!)

到o左中五 grad-din 先至識得話要去買支唇膏搽o下!!

買唇膏....好大件事o架喇!!

買咩牌子? 聽同學講 MAC 好喎.....就買o左人生第一支MAC粉紅色唇膏! (好可惜冇keep到!)

所以對 MAC 好有情意結o架!!

到o左而家, 接觸o既牌子多o左, 當然唔只鍾意一個牌子, 但係論品牌o既長青度......

MAC 就永遠都咁 trendy!

市面上有咁多個用黑色做PACKING o既品牌, 有邊個可以做到 MAC 咁多變呢?

證明佢o係 product development 同埋  packaging 花o左好多功夫!! 

尤其是o係香港呢個咁貪新忘舊o既地方, 要成日有驚喜, 先至可以 keep 住有人留意, 如果唔係就好快消失!!

最近 (其實都唔近, 都有成兩三個禮拜!) 收到 MAC o既 Makeup Trend Book 2010 SS, 令我好有衝動想晒o下冷! 晒o下我呢 d 阿婆儲儲埋埋o既 MAC Trend Book!! haha!

今季o既 Overdone cat eyes & eyeliners....

 

呢本好似旅行紮記o既係 05年o架! 你話我呢 d 阿婆係咪嫌張枱太多位?! 不過真係唔捨得掉o架, 拉頁砌得好鬼型!!

 

呢套唔記得係 06 S/S 定 F/W, 一開五, 有五大trend, 而家睇番o的妝仍然前衛! 當年幫o左我o地呢o的編輯唔少!! 可以偷o下師嘛!!

 

哎o也! 07 得番本 F/W, S/S 去o左邊呢? 心痛心痛! 等我搵番先!! 我好鍾意呢個六十年代o既 pop art 妝呀!!

 

08年又係 F/W? 咁 o的 S/S 死晒去邊呀? 我鍾意睇佢 D 排版, 落o左好多心機!! o的筆記字寫低o左個trend o既特色!!

 

終於有本 S/S, 09年o既!! 講唇妝, 個個咀都熨o左層膠面, 真係好花心思!! 又型!!

 

 

前幾日o岩o岩收到 MAC o既新o野! 就係一年一度幫愛滋基金籌款o既 VIVA GLAM唇膏, 今年搵o左 Lady Gaga 同埋 Cyndi Lauper Crossover~~WOW!!!

呢個 PINK 以前會話好 Barbie, 而家要改口話好 LADY Gaga!!

 

仲有印o左LADY GAGA 簽名唇型化妝袋!! 型!!

外國賣到斷晒市!! 不過香港暫未有售! 之前話有售係我誤會o左!!

Really SORRY!! 特此澄清!!

 

仲有新一批Mineral Blush ar!! 好靚呀呀呀呀!!

你話成日出埋晒呢o的花巧o野, 有乜辦法唔令人愛死佢呢????