新髮現

pok pok 頭髮多多...

我唔否認自己經常因為呢樣o野而沾沾...

頭髮多係可愛 DD~~hehe...

睇返o的相, 原來我細個冇乜頭髮, 但老公就有好多...

不過而家.....情況就180度調轉喇!

大家明我講乜啦! 哈哈哈...

所以 pok 咁多頭髮囉...呢樣o野就似以前o既嗲o地!!

長到拮晒眼...上個禮拜終於的起心肝幫佢修一修...

咁你知我地個 blog o既傳統啦...

梗係剪返個齊陰 bob 頭啦!! 哈哈!! 襯返我, 母女裝丫嘛!

剪髮前仲未知大難臨頭...笑得幾得戚!!
仲捉住對腳, 呢個係 pok 而家o既招牌麻甩動作!

我係大俠!

你...你o地想點呀.....?

(過程實在太混亂, 冇影到!)

燈燈燈櫈...完成!!
好明顯有人郁身郁勢...剪到一岩一忽!

呢個就係 POK o既新髮型~
睇o黎佢自己都好滿意! 哈哈!

今次用咩o黎剪 pok 髮呢?
我好想介紹一下呢個好好用的剪髮器!!
呢個問朋友借來的!

好似個電鬚刨咁o既...

之不過佢有個特別構造, 就係有個夾包住個刨 (唔知咁影大家明唔明呢?)

開o左機, 個夾要人手夾埋先至會開動, 好安全呀!! 唔夾就唔會郁, 咁就唔怕小朋友郁身郁勢整親佢, 又或者剷親隻手...剪得好放心!! yeah!!

剪完仲要o的頭髮跌晒入個夾入面, 唔會跌到周圍都係!

真係超級好的發明!!

最o岩我o地呢咁唔專業o既髮型師!! 

不過呢...

你地都見啦!! 其實唔包一定剪得齊, 就好似今次 pok 咁郁o黎郁去, 咁就好難剪得整齊!! 惟有當玩不規則線條啦!! 而家興呀!! 哈哈!

個 National 剪髮器 (2,990yen) 我朋友o係日本 TOKYU HANDS 買o既, 唔知香港有冇, 我少行水貨舖, 如果見到記住話我知...下次去日本不妨考慮o下呢件正o野!! yeah!!

搞到我想即刻飛身撲去日本o添!!

P.S. 有好消息!! POK POK o係3月20日終於出牙仔喇! 見到少少!!
終於唔係冇牙婆!! 哈哈!!

LOVE U FOREVER, MY DARLING!