曳o野!

有冇baby 係一歲左右o既mama可以同我分享o下?

你o地baby有冇曳o野呢?

pok pok o的曳o野開始出喇...

好有主見...

唔畀佢玩o個o的o野偏要玩!

危險危險危險...

污糟污糟污糟...

之前抱起佢離開現場...

佢好快就唔記得! 玩過第二樣!

點知而家唔畀佢玩的話...

佢就 "lur" 地...

唔畀人抱....

扮軟皮蛇...

狂叫...

大喊...

仲要係有真眼淚o個種!

噢!! 畀佢咁樣玩一晚都幾係o野...

特別係得番自己湊佢o既時候

就更加無助!

而家都有同佢講o下道理...

但係佢實在太細...

好似明又好似唔明...

轉個頭又再o黎過....

就好似前幾日咁...

佢o係枱上面執到個柑...

佢知道係食得o既...

就 "鍊" 住唔放....

"鍊" 到個柑出晒汁...

又 "mit" o的皮o黎食!

話幫佢 "mit" o黎食, 又唔肯喎!

攞番個柑佢又大喊喎~~

有冇咁傷心呀?

惟有畀佢繼續 "鍊" 住...

最後要等佢對第樣o野產生興趣,

先至唔覺意「偷」番佢個溶溶爛爛o既柑咋!

mama 們,

你又會點做呢?

而家每日都係一個挑戰...

每日都有新曳o野...

但亦都有新o既得意o野!

雖然湊 pok 真係好累...

但係都係值得o既!!