一些交代

相信前排大家有察覺這個blog o既一o的變化,

o係呢度唔打算交代詳細經過,

總之結果就係「愈睇愈靚」blog 由我主理番,

其他blogger唔會再o係呢個blog發布文章。



o係呢度唔打算交代其他blogger o既新網址,


Brides Talk 婚紗店我已經離職,

此blog 不會再提供任何化妝學校及Brides Talk o既資料,

所以大家唔需要再詢問~~

呢段日子的確好唔開心,

過程真係心痛大過嬲好多!

不過難關已經過o左...

life must go on!

日子還是要過,

而且要開開心心的過!!

預o左事件會o係圈子入面好多流言蜚語...

由熟朋友把口講出o黎,

令我睇清楚邊o的先至係真正o既朋友,

好怕流言蜚語講一百次大家會當成真,

但我冇辦法呀, 亦不打算企出o黎解釋,

把口生o係人o地度, 我唔可以阻止人地講乜。

愛我o既朋友會知道流言o既真偽,

自己理性上知道呢o的係流言蜚語,

唔需要太介懷,

總之問心無愧就算喇~

但感性上仍然好難當冇聽過,

仍在努力調節中。

以前活o係假面具與謊言o既世界,

而家係時候要學習面對人性o既醜惡...

或者係遲o左o的,

不過真係上o左寶貴o既一課!

人算甚麼?

感謝天父一直陪我行過呢個低谷,

不離不棄,

令我明白人係幾咁渺小。

多謝老公一直o係身邊支持我,

能夠得到佢o既愛, 係一件好幸福o既事!

令我好想愛佢更多更多~~

多謝 pok pok o係我唔開心o既時候成日氹我笑~~

我係一個何等幸福o既人,

我仲奢求乜o野呢?

剛睇o左 Queenie Chan 陳莉敏o既一篇 blog,

「面對人性的種種有些朋友選擇大吵大鬧，誓不罷休。

我倒覺得默哀會比報復更有Guts，原諒會比怨恨更有胸襟。

身邊總是有些人迷失自己，做些傷人的事，
世上總有一群儒夫，需要靠廉價手段獲得自己能力爭取不到的東西。

仔細想，那些人是可憐的，何必讓人性的宿便污染你的心靈？

默默愛這群欺負我們的人吧，默默包容醜陋的人性。

為吃虧微笑不是傻蛋，

那是種高級修養。

不是人人能做得到。」

Quote from Queenie Chan

選擇吃虧和沉默並不代表懦弱,

這種叫做胸襟, 有些人從來不會理解,

睇完之後算係有o的釋懷。

大家不需要為我擔心,

pok ma 已經o係低谷度爬番起身,

重新面對挑戰,

以後呢度會繼續講 POK POK, 親子,

美容扮靚, 仲有結婚資訊!!

我的新wedding shop 好快會同大家見面,

現正努力籌備中!!

即將結婚o既你你妳同妳, 請密切留意~~~

之前o係blog度呼籲過,

想影免費 pre-wedding photos o既朋友,

由於之前發生o既事,

令到大家白 send 一場!

今次真係堅o架喇!!

有興趣影pre-wedding o既靚仔靚女couple,

請將你同另一半o既大頭照 & 全身照 & 聯絡電話 send 去:

iwritebeauty@yahoo.com.hk

適合o既 couple model 我會主動聯絡你o架喇!!

如果你朋友有興趣 / 影免費婚紗相,

話畀佢o地知啦!!

不過呢個活動係有條款約束,

影之前一定會清楚詳細地講解~~

大家 ok 先至影相!!