pok媽后生活

搜尋此網誌

o岩o岩學識o既兩個字...

1月 07, 2011

取得連結
Facebook
Twitter
Pinterest
電子郵件
其他應用程式

肥pok生活軼事

取得連結
Facebook
Twitter
Pinterest
電子郵件
其他應用程式

留言

發佈留言

小學雞便當 -- 進化之日式便當

Pok & Da 嘅小學同大部份小學一樣, 訂飯一訂要訂成個月, 唔訂飯就成個月都要送飯, 呢個月出FB post 出得咁密, 當然係因為Pok & Da 申請送飯獲批, 於是Pok媽三月份又踏上《小學雞便當》之旅! 整便當這回事, 我仲未拿捏到自己style, 可以參考嘅素材網上太多, You Tube / IG 睇到人嘩嘩聲! 外貌協會會員當然係想整靚啲擺上FB/IG呃like, Pok媽超級崇日, 當然係整日式, 不過整嘅過程都有好多限制~ 要考慮好多問題: 買唔買到日本便當材料? 邊啲食物啱自己小朋友? 點樣整又快又過到自己嗰關? 夠唔夠時間整? 有啲餸要早一晚預備? 仲喺度學習中! 好可愛嘅三眼仔飯團, 眼睛同耳朵同咀都係用芝士片&紫菜預先整好, 加入綠色飯素, 由於有色素, 所以都係偶然整下, 唔會成日整不過有樣嘢我可以好肯定, 就係我唔鍾意整公仔飯團, 整都只能夠整好簡單的, 除咗因為冇乜藝術天份, 整嘅過程時間長, 整好啲飯會凍晒, 唔似日本人, 中國人始終都係習慣食熱食暖胃~ 菜式方面, 通常會有以下配搭: 五穀類 (飯、烏冬、pasta、意粉、天使麵、麵包等等都係適合嘅素材) 蔬菜 (用鹽烚嘅比較健康, 用西蘭花賣相會加分, 仲可以遮住食物之間嘅空位) 加少少柚子豉油/芝麻醬已經好好味肉類 (常用鱈魚柳、三文魚、雞柳、雞腿肉、豬肉片、雞翼、肉丸) 副菜 (即係圖中嘅火腿、蛋皮、日式蛋卷、醬油牛蒡漬、竹輪、腸仔、餃子之類嘅食品) 通常係令到個便當更美觀, 又賴係多餸咁樣水果 (都係令到個便當更加美觀材料, 例如士多啤梨、車厘茄、提子) 如果小朋友唔鍾意食飯, 又或者成日食剩飯整壽司就即刻解決晒以上問題, 仲可以擺啲佢哋平時唔食嘅菜落去, 例如菠菜有冇媽媽掛住煮飯唔記得煮飯呢? 唔緊要! 家中常備各式各樣嘅pasta粉、烏冬,

遇上100% Terrible 2 女孩

POK 媽最近提唔起勁寫 BLOG .... 主要係因為.... 日頭喺舖頭工作無事忙, 冇得專心寫, 返到屋企啲時間就完全唔屬於自己, 冇晒啲優質寫 blog 時間, 唔通半夜4點鐘起身寫咩?! 一直以為...... pok姐都幾乖吖, 扭計又唔算扭得多, 平時都算幾易話為.... 完全唔覺得 terrible 2 terrible~~ 不過, pok 媽最近輸了!! 輸咗畀豬髀.... 只能夠講豬髀有啲遲熟..... 差唔多 two 尾先至嚟 terrible...... 實在太 terrible 喇~ 扭計, 扭計, 扭計, 又唔肯食飯...... 每次見到有人錫da da...... 佢就醋意大發, 性格大反常.......明明乖緊都曳!! 煮咗麵就話要食飯, 煮咗飯又話要食包!! 半夜一點醒咗要睇電視, 唔畀睇就 "炸帝" 激喊以示不滿~~ 但係有時話: "唔該媽咪!" "媽咪, 真係唔該晒你呀!" "媽咪, 我真係好鍾意你呀!!" 發揮豬髀姐一啖砂糖一啖shit o既精神~~ 繼續愚弄身邊所有錫佢O既人~~ 亦都開始有啲曳人O既思想~~ 對POK媽完全係一個打擊, 只能怪我實在太天真喇~~ 我係天真媽!! 相反... DA DA 實在太可愛.... 唔係特登比較..... 而係對住terrible 2 同埋 terribly cute~~ 反差實在太大~~ 不過 da da 幾cute都好, 我哋都好盡心盡力咁同pok姐玩~~ 因為唔想佢覺得大家焦點都去晒da da 度~~ 希望da da 大個啲, 識得同pok姐玩嗰陣, 佢會感受到有da da o既好處~~ 而家惟有等POK姐唔為意, 就狂錫DA DA~~ 你睇吓佢個樣吖, 真係令人好肉緊o架!! 等別係對髀~~ 真係一髀還有一髀粗~~ 呢個禮拜啱啱出牙仔~~ 突咗兩舊白色嘢出嚟~~ 但係唔肯畀人影相~~ 好口密!! 都唔怕沉氣再講....

靚靚...搽搽!!

唔知係咪處女座o既關係... (pok ma 都係!) pok pok 愈來愈貪靚~~ 幫佢戴完頭箍... 即刻嗌: 「鏡鏡、鏡鏡....」見到pok ma搽面面, 佢又跟住要搽~~ haha.... 實在太似我~~ 嗰日買咗件 hello kitty 背心畀佢... 即刻拍埋身睇吓靚唔靚... 仲想即刻著添~~ 呢隻女大個肯定超貪靚啊~~ 睇嚟佢番幼稚園之後, 肯定扭計要扮公主..... -_______-" 老實講我真係好怕啲小妹妹扮公主周街走的啊.... 但係我夠唔鍾意hello kitty 啦, 而家咪又係要買 hello kitty?! 咁都未算最貪靚... 話說今朝打算幫pok換片... 咁我拎晒啲嘢出嚟, 片片呀, 濕紙巾呀, 花士令呀, 紙巾呀....... 諗住去個toilet先至幫佢換.... 點知去完toilet 出嚟... pok 搽到成個頭都係花士令呀!!!!! 成頭都係呀~~~ 佢搽咗成半罌花士令上個頭度呀!!!!!!!!!!!!!! help!!!!!! 仲一路搽一路話：「搽搽...靚靚!!」仲學我GEL頭o既手勢.... 當時我見到太激動, 掛住幫佢抹, 唔記得影佢搽完最original 個頭!! 呢兩張已經係抹咗啲走....... 啲頭髮gel實晒.... 成個賭聖咁!!!! 我真係想嗌救命呀~~ 當時 pok 爸瞓緊覺... 都即刻成個彈起身... 醒晒!! 一大早搞啲咁o既嘢~~ 真係唔知笑好定喊好.... 洗咗五次頭都洗唔甩呀!! 陰公~~ 洗完五次頭之後... 都未洗甩晒.... 個頭keep住一執執, 抹極都係黐立立o架!!! 我差啲想用洗潔精幫佢洗頭呀大佬!!!! 而家用咗隻 bb 沖涼梘幫佢洗, 但嚿梘始終係for沖涼, 唔係洗頭, 所以都有啲醃眼~~ 你睇佢洗完頭個樣幾無奈?! 對眼又喊到腫晒~~ 唉~~ 我見到佢個頭咁仲無奈呀!!~

由 Blogger 提供