嬲嬲

嬲...

真是人與生俱來的情緒表現,

有誰教過pok嬲呢?

pok返到太婆屋企...

太婆與公公最愛整蠱pok...

成日同佢搶嘢食~~

搶到佢鬼殺咁嘈...

有時仲搶到一地都係嘢食...

唔係返老還童係咩呀?

為食pok見到盒餅...

仲唔拿拿淋叫mama幫佢開....

食呀食...

點知食食下, 公公出招...

搶咗豬髀盒餅~~

你睇公公個樣笑得幾奸?!

pok 即刻差晒腰...

谷起個腮, 扁扁咀...

同公公對恃咗成分鐘咁耐...

我哋掛住笑...

唔記得影低佢~~

真係超級好笑~~

原來嬲係唔使人教...

嗰個咁dramatic o既表情,

好肯定大人係唔會隨便做出o黎畀佢學到...

佢呢下咁浮誇o既演技,

一定係發自內心~~

內心嗰種憤怒,

完全表露晒喺塊面度~~

笑屎 pok ma 家族仝人~~

最後公公不敵谷氣pok...係咁兒畀一粒...

過咗陣...

目的轉移...又唔記得咗lu~

(原來pok個奸樣遺傳自pok公~)

小朋友情緒真係來怱怱去怱怱...

邊似大人咁複雜丫?!