臨睡前的麻煩手續II

呢段片放咗上youtube幾日喇...

都未得閒放上嚟添!

pok呢日有啲進步,

起碼自己刷到幾下!

其實pok已經唔鍾意我哋幫佢做某啲嘢,

想自己做...

今日我幫佢剪指甲佢唔肯,

但係又要搶個指甲鉗,

然後掹住我隻手要幫我剪!~

真係覺得好sweet!!

咁證明佢開始想自己掌握一啲嘢~~

其實可以放手o既我都想放手...

不過例如刷牙,

其實佢未掌握到點刷,

不過都要畀佢試試,

最多刷完再幫佢刷多次~~

呢個放手o既過程,

作為 mama o既我要不斷學習...

每個錯誤都要佢自己經歷過先至會成長~~

呢個係pok ma最近o既體會~~

每件事都幫佢完成晒,

佢永遠唔會識~

不過有時諗起要執手尾...

又令人好想快啲幫佢搞掂佢!

唔好煩~~

到底係由佢自己揣摩, 然後幫佢執手尾,

定係拿拿淋幫佢搞掂唔好煩呢?

呢種兩難局面,

應該會愈來愈多~~