夜晚返到屋企樓下都係分頭行事,
我返屋企執嘢洗嘢ready to serve 豬髀,
POK 爸就去接pok pok,
呢兩晚pok爸夜返,
pok ma 就去湊隻豬髀仔,
點知pok 唔肯走...
抓住麻麻唔願放手....
平時pok 會乖乖跟我走自己行...
可憐的pok ma....
大住個肚, 基本上唔抱得廿幾磅的豬髀.....
一邊心痛一邊上演搶囡之好戲~~
so heart breaking!!!
生囡啦....生囡啦!!
唉~~
由麻麻屋企返到自己屋企,
都只不過係兩幢樓之隔....
已經嗌咗超過50次麻麻...
仲要係極慘情之語氣!!
心碎又心up....
點知番到屋企....
醒支益力多佢嘆...
即刻笑番晒,
冇再提麻麻....
真係艱辛!!
其實已經比以前湊多咗pok pok 好多...
已經多咗時間陪佢...
同埋每晚都好畀心機陪佢玩 (被佢玩!)
點知都係出現我最唔想出現的情況啊~~
冇計啦!
人生總要有所取捨...
希望pok大個少少會跟番我多啲啦!!
噢，pok ma要加油！pokpok見到媽媽甘鍚佢，第時一定感動流涕
回覆刪除pok ma 加油吖...
回覆刪除pok ma 加油, 佢大個d就會明白ga la, 最多宜家畀多幾支益力多去tum下佢je =]
回覆刪除pok 媽加油呀, 最多宜家接佢帶多d 佢like o既食物, 玩意tum 佢走, 佢大個d 一定會親您多d, 唔好唔開心. 奸巴爹 !!!
回覆刪除pok ma, 你都要明白佢只係bb唔識野呢
回覆刪除佢咁痴麻麻, 都係麻麻錫佢jei, 係咪? 要加油啊小心身子~
pok 媽, 唔緊要喇, pok pok 仲細, 其實佢心裡面都係好鐘意媽媽架
回覆刪除係la~!!! 我個囡都係咁...夜晚自己湊返叫佢同嫲嫲byebye佢有時唔肯, 仲難捨難離咁...真係好傷心....haha 仲有, 宜家返親屋企佢都唔叫我, 要迫佢先肯叫....但baba人未到佢已經狂叫baba!!!!!!!!! 好乞人憎啊!!!! (但佢明明跟我多過baba的!!!!!!!!!!)
回覆刪除hahahaha
性本惡，邊個縱佢，佢咪痴邊個羅。 既然作父母，連條命都可以俾左個小朋友，就要有做一世「衰人」既決心。
回覆刪除pok 的上網 pose 真係十分豪邁~ 其實pok咁嘅情況可能係一時時架0姐，唔洗咁唔開心~我始終覺得女仔大大下都係鍾意跟媽媽多d~
回覆刪除唔係自己湊真係唔痴架 , 我個囡又何嘗唔係勁痴工人 !
回覆刪除其實pokpok會唔會愛益力多多d呢！
回覆刪除pokpok咁專心嘅！睇緊乜呀？
小朋友都呢個佳段, 一定係黏住成日湊佢果個人. 我個囡都試過全程的士喊住要返麻麻屋企. 唔知以為我係拐子婆. 臨訓前都要搵麻麻陪訓覺, 果種心酸, 真係眼流在心裡流. 不過, 大大下佢會自動自覺黏返DADDY MAMI , 你可以放心.
回覆刪除昨晚在X上X酒樓巧遇pok pok一家...pokpok好可愛...個樣好bb!!
回覆刪除pok媽~咪咁啦。
回覆刪除佢大啲就會知妳係幾咁愛佢,幾咁為佢付出架啦
我睇之前妳影啲video ~pok都有成日叫住ma咪喎
~可能嫲嫲比咗啲好野pok pok食,所以佢先會唔捨得走~
POK MA,唔好唔開心,
回覆刪除小朋友太細個,睇每件事都好直接,唔似大人,了解事情背後O既意義~
女麻女麻日日對住POK,實會就佢,小朋友就會覺得女麻女麻好.
我細個媽媽要搵錢養家,好小時間陪我,每年暑假佢都會帶我返廣州比婆婆湊,一住就個幾月,開頭細個,暑假一完,媽媽帶我返香港,我都會係火車站喊到死,話唔返香港.我相信當時我媽感受應該同你1樣~但當大個D,就會知媽媽有幾偉大,而家我同媽媽好似朋友O甘CLOSE!! 所以POK MA唔使擔心,你永遠係POK POK最親O既人~~~