爸爸, 食!

故事由pok爸提供...

話說 pok 爸孤身作戰湊豬髀

仲要餵佢食意粉,

而家已經唔肯坐定定,

同埋又想佢學吓自己食,

所以大大加長咗食飯o既時間,

同埋食到天一半地一半,

食完仲要抹餐懵!

真係辛苦晒~~

食食吓跌咁啲落件衫同埋張枱度,

pok 都好有手尾,

柯 "gor"妹循例「咦..........」完一輪,

會自己執番,

又幾乖喎!!

點知執完....

就遞畀爸爸: 「爸爸, 食!」

真係好識得孝敬爸爸~~

pok爸話: 「污糟o架! 唔食得喇!」

點知,

轉個頭又跌, 又再遞畀爸爸: 「爸爸, 食!」

哈哈~~

自己就食碗入面嗰啲!!

之後,

為咗tum pok 快啲食,

pok 爸就出招: 「快啲食晒! 食完先有汁汁飲!」

跟住pok pok 就食咗一啖,

然後話:「冇晒!」

跟住就話: 「汁汁!」

明明隻碗仲有好多~~

你話佢幾古惑呢?!

呢個柯 "gor" 妹,

愈來愈有曳妹風範~~

就嚟 terrible 2~~

係時候要請教各位媽咪點教小朋友喇~~