"柯gor" 妹

"柯gor"...

即係麻煩, 少少事都投訴咁解...

呢兩個字真係完全唔識寫,

(高人請指教!)

唔知幾時開始,

pok pok 就開始表現佢處女座超級 "柯gor" o既性格,

少少痛就大叫「痛痛、痛痛」...

明明可能只係少少痕~

有時食飯整污糟咗隻手 (少少, 真係好少!)

佢就望住隻手大叫「咦.........哎吔.........」,

而且有愈嚟愈嚴重的傾向!!

真係唔知好嬲定好笑~~

尋日帶 "柯gor"妹去沙灘玩,

本來以為pok會好鍾意玩水 & 沙,

之前去泳池都好鍾意,

點知佢去到見到啲沙,

就唔肯落地行,

可能嫌啲沙整污糟佢....

你睇佢個樣,

去到已經十萬個唔情願~~

一定要爸爸拖住先至肯行~~

唔拖住佢就好似針咁插咗喺同一個位唔郁, 等人嚟救佢~~

你睇佢個樣?! 真係勁投訴o架!!

後尾都係裝啲水, 同佢玩淋花灑先至好少少咋,

坐嗰陣永遠要坐住張蓆

唔肯坐出去啲沙度~~

你睇佢隻右手? 跟住左隻一齊扭晒~~

haha~~

到最後都係勁唔enjoy~~

哈哈~~真係冇晒符喇~~

後尾pok爸問佢仲去唔去沙灘,

佢就擰擰頭,

問佢仲落唔落水,

佢又擰擰頭~~

今次沙灘之行....

以一個 "柯gor" 的表情結束了!!