傍實佢?

禮拜日叫醫生放我假出去唞唞氣,

同豬髀過咗一個好愉快的下午~~

豬髀真係大個咗好多喇~~

擒高擒低都難唔到佢,

不過都係好驚佢跌親,

貼身傍實佢,

點知同場幾個南亞裔小朋友,

佢哋啲父母係任佢哋周圍爬,

自己就圍埋一齊傾計,

年紀仲細過pok pok,

都不知幾大膽,

而pok pok 就好驚驚青青,

呢啲就係唔同民族有唔同o既培育方式,

眼見佢哋由得啲細路周圍爬周圍跳,

 "sir" 滑梯仲係個頭落先...

真係好牙煙,

本地家長就多數都會陪住小朋友一齊,

慌死跌親,

見到咁, 其實係咪應該放手畀pok自己玩呢?

佢驚驚青青o既性格,

係咪因為我哋太多保護呢?