七日camp的啟發

由禮拜五起就冇出blog lu,

點解? 一言難盡矣!

事關pok媽上星期二已經入咗廠,

好好享受我個靜脈注射抗生素之旅,

冇得上網, 冇得叉電~

咁點解星期四又出到blog?

我寫定囉!!!

係咪好有交帶呢?!!

本來想寫定晒, 預咗隔日出,

點知臨入院鬼咁多嘢做,

只係預備到兩篇,

所以後來咪甩晒尾囉!!

呢七日,

就好似停頓咗一樣,

呢個世界發生咩事,

幾乎都唔知道,

掛 pok pok 掛到甩肺~~

又開唔到舖!! (勁慘!!)

點解入廠? 仲要入七日咁多?

唉~~

理性wise 呢, 就係pok ma 身染奇菌, 孕婦無藥可吃,

只可靜脈注射抗生素先至殺它死~~

所以醫生就捉我入院打針, 仲要一日打三次,

complete成個療程先放人~~

唔畀home leave~~

心理wise呢, 可能天父要我好好休息吓啦~~

佢見我停唔到落嚟~~

畀個機會我休息吓~~

(惟有咁樣安慰自己!!)

by the way,

我都唔係好記得七日點樣捱過,

對於我呢個停唔到落嚟o既人嚟講~~

真係一種挑戰~

終於最後兩日忍唔住,

叫醫生放我出嚟幾個鐘~~

同pok pok玩咗一個下晝,

同埋去書店買咗兩本書消磨時間,

點知睇一兩日就差唔多睇晒~~

你話醫院幾悶呢?!

小克不嬲棒開場, 好鍾意~

而本怪獸家長2又的確好有啟發性,

到底我會唔會係一個怪獸家長呢?

就要容後再評論喇~~

特別推介畀三歲或以上小朋友o既家長睇,

我哋都唔想小朋友變港童,

但係偏偏不知不覺咁引領佢哋行呢條路~~~

書入面o既散文會係幾好o既提醒!

今次入院, 發現政府醫院都唔係好恐怖,

入面仲幾清靜 & 幾乾淨~~

啲姑娘都幾nice,

(係啲阿姐惡死啲! 唔畀人叉電!!)

住咗幾日,

見到好多病人病情比我嚴重好多好多,

就覺得自己真係好幸福,

點解揀中佢哋?

結論係好多嘢都唔使太悲觀,

實在有太多人慘過我,

同埋佢哋o既問題根本係解決唔到...

自己面對緊o既問題,

就變得好微足不道!!

面對所有事都要平常心~

樂觀啲~~

今次除咗入院殺菌,

仲有好多得著呢!!

感謝主!!