剪剪剪

寫呢個題目,

突然覺得自己好「家庭主婦」...

不過又真係好想寫~~

曾經....

食物較剪令pok ma困擾咗好一陣子...

點解咁講呢?

話說, pok pok 需要剪食物之初,

pok ma 都係就咁行過百貨公司,

求其見到把叫做食物較剪o既就買,

原來買食物較剪大有學問!!
 

點解咁講呢?

呢把黃色小鴨,

個樣幾cute,

廿幾蚊, ok吖~~

以為買咗唔使煩,

點知用落真係把幾火,

講明係食物較剪,

洗咗兩次之後佢竟然夠膽死生誘!!!!

真係枉為一把食物較剪~~

怒!!!!

唔係錢o既問題!!

係企業責任o既問題~~

奉勸大家千祈唔好買!!!

仲有呢把minimoto,

好彩冇生誘, 都算正常,

但係佢真係細把得太可憐,

剪鋒大家都見到有幾短啦!!

隻手指大少少都穿唔入個圈~~

唔通佢設計嗰陣,

以為啲bb會自己攞嚟剪嘢食o既??????

我奶奶就係用緊呢把,

但係由於佢又係相信「食物較剪」呢幾個字...

認為剪食物一定要買番叫做「食物較剪」o既較剪,

所以雖然佢隻手指好大, 差啲穿唔入個圈,

都要局住用,

不過佢覺得ok,

就繼續用喇,

反正佢都唔係成日用~~

幾經辛苦,

終於搵到呢把 hello kitty,

(我o既死敵~~!)

但係卻是出奇地好用~~

刀鋒夠長夠利, 剪肉肉一剪就掂~~

仲有體貼大細圈畀媽咪隻手指可以順利穿過,

唔會妄想係bb用o既~~

同埋最緊要最緊要o既係,

so far 洗咗十幾廿次,

都冇生誘,

唔知係咪同佢用咗磨砂不誘鋼有關,

個駁口位仲有膠包住,

咁就冇咁易生誘~~

雖然佢係我死敵,

同埋又唔平, 成七十幾蚊一把,

有一把仲靚要成百幾蚊...

但係真係好愛佢~~

同 pok pok 出街唔可以冇咗佢~~

除咗KT,

仲有布甸狗呀, 車車, 大口仔呀嗰啲,

記住要去Sanrio Vivitix 度買!!

唔好去錯第二度~~