曳事陸續有來

返學之後o既豬髀,

講嘢又再進步多啲啲,

好多嘢都表達到,

唔似之前咁唔明白o既事就呆咗唔識答~~

同埋開始feel到「問題」少女o既威力,

日日都好多問題,

但係啲問題都幾meaningless o架,

例如: 「做咩呀?」

指住地鐵陌生人「呢個邊個嚟o架?」

「佢做喺度做咩呀?」

「呢個咩嚟o架?」.....



同樣地,

唔鍾意o既事,

就更加好清楚咁表達,

同埋發脾氣~

令到一向都唔想用鬧 / 打方式去教o既pok爸同我,

都開始教到好 "忟憎",

有時真係想一打而後快~~

但諗深一層,

其實佢真係唔知發生咩事?!

第一次做錯就畀人打 / 鬧,

我都會好驚 / 失去信心,

所以要盡量剋制~~

都真係有啲難度!!

小朋友是一面鏡子,



我咁對佢,



佢第時絕對會用同一招數對番我~~!


忍忍忍,

百忍成金...

pok 媽「是咁諗的!」

「好! 我忍你!!」

最近豬髀喺學校有單笑料,

我問老師pok在校有特別事需要注意嗎?

老師話佢鍾意喺個地下度扮...

游水!!

唔知點解成日喺地下扮~~

老師叫佢:「pok pok, 上水喇!」

佢先至「上水咋!」

老師問佢係咪喺屋企成日扮游水....

我即刻個額頭出現三條線啦!!

喺屋企都未試過扮游水~~

今次真係畀佢笑死鳥!!

不過so far pok 好似已經習慣咗學校生活,

係返下晝班會比較眼瞓, 晏覺時間尚有待調節~~