一日拮五針

有咗da da 的頭幾個月完全冇意識戒甜食,

仲係咁食蛋糕、雪糕、飲甜嘢, 飲貢茶、食許留山~~

之前極唔聽話的pok ma,


今次又畀政府醫院捉入去12小時,

一日拮五針驗血糖...

今次醫院真盡責,

我本來扮唔記得,

點知個姑娘特登打嚟都要捉我入院~~

ok fine~~

我敵不過你們的盛情....

也敵不過老公「擰晒頭」(慳番啖氣, 費事再話我) 的表情  ...

最後...

都係乖乖哋入醫院,

瞓咗一day!!

畀人拮咗五針!~

同埋享用糖尿餐 x 5



噢!!

話說上次馱pok時,

pok ma 其實冇排政府的~

只係睇私家,

個醫生見我唔算重得好快,

所以冇叫我驗血糖,

完全冇理到血糖呢個問題,

今次唔驗尤自可, 一驗就出事,

雖然唔係高咗好多,

(叫做血糖耐性指數異常)

但係都畀醫生捉去見營養師,

當正有妊娠糖尿咁戒晒口!!

醫院糖尿餐有夜宵食o架~~

餓唔親你,

但寡到冇晒人生樂趣啫~~

奉勸各位初懷孕準mama,

唔好食咁多甜嘢~~

真係會有影響o架~!

胎兒的體重會比較重，各個器官也長得比較大，
但這並非是好現象，因為各器官必須更費力的
作功來運轉各器官的功能，所以胎兒也會覺得比較累，
而胎兒則可能會造成：先天畸型、
胎死腹中、新生兒死亡、巨嬰症、 新生兒呼吸窘迫症候群、
新生兒低血糖症、新生兒
黃疸症或低血鈣症等，這些問題處理起來都相當麻煩。
若未能及早發現妊娠糖尿病並予以控制，
將容易導致巨嬰症，生產時發生肩難產或需要剖腹產的機會會大增。

亦都為「念珠菌」製造一個佢哋非常喜愛o既環境!!

如果得咗妊娠糖尿,

第時患糖尿病o既機會就大大提升~~

所以甜嘢可免則免~~

仲有...

食無定時 (好似我咁),

要盡量調校番食嘢o既時間,

定時定量,

身體先至可以適應到~~

如果唔係佢都唔知應該幾時分泌啲胰島素出嚟~~

各位準 mama, 共勉!!

前兩日朋友 J 知道我入咗醫院,

即刻拎佢屋企啲花膠畀我...

真係好sweet呀~~

仲寫低晒點煲添~!!

好溫馨啊!!

收到晒喇~~

一切盡在不言中....