da da 3 weeks 喇~

呢個小朋友...

話咁快就 3 周大喇~

我唔想回憶呢3個禮拜點過,

總之就係喺極度唔夠瞓o既情況之下,

鬧過佢不知幾多次衰仔~~

然後見到佢呢個樣,

又即刻係咁錫錫錫佢面珠登~~



日子就係咁過喇~~

而家惟一願望...

就係呢個咁「唔可愛」o既衰仔可以早日戒夜奶~~

等我同pok爸有覺好瞓,

過番啲正常人o既生活~~

同pok姐差唔多,

da da 係為食仔一名,

由最初出院三安...

到上week四安...

然後每兩個半鐘就狂扭計要食奶,

到咗今個禮拜,

索性餐餐五安奶 (已經超過姑娘建議),

但都只可以last到最多最多三個鐘,

幾驚食滯佢....

但當你聽到佢兩個鐘零九個字就喊定先~~

就更加肯定佢冇食滯~~

不過媽媽奶已經不足以應付呢隻大食仔好耐....

再加上今次 pok 嬤嬤 supply 非常有限~~

已經飲咗好多湯水~~

可能因為大食仔教極都唔識啜,

同埋人奶非常唔襟飽...

搞到佢每次啜都搏晒命~~

啜到我鬼咁痛,

唔啜啲奶又愈嚟愈少~~

在此正式宣布投降....

da da 要做全奶粉 bb 喇,

雖然好唔捨得,

但係為咗大家o既情緒著想~~

都係無謂太勉強大家~~

不過睇見佢面珠登一日一日咁「瘦」落去...

同埋雙下爬一日一日咁現出嚟...

大便又ok,

算啦~~

都係放過自己吧!!

pok 嬤嬤宣佈榮休了~~