透明人da da

到底pok接受成點呢?

我只能夠講,

慢慢進步中!!

之前返到屋企,

pok pok 會不斷問「呢樣嘢係邊個o架?」嚟宣示主權!

呢張床係邊個o架? 呢張櫈係邊個o架?

件衫係邊個o架? 呢件玩具係邊個o架.......

而家會問...

da da 喺邊呀?

佢喺度做咩呀?

好彩經過一番解釋,

da da 終於冇咁「透明」.....

初頭都有少少心急,

點解pok pok 姐咁抗拒da da 呢?

而家見到佢有進步,

就明白急唔嚟呢個道理~~

不過, 問完一輪,

都依然當da da 係透明人....

[例證一]

da da:「我谷緊屎, 你咪嘈住晒!!」
pok:「費事啋你!」


[例證二]

pok 爸:「豬髀, 抱吓da da 啦! 佢好得意o架!!」

pok:「唔要呀! 唔要抱da da呀!」(真實對白!)
「再埋嚟一腳伸開你! 咪怪老娘唔客氣!」(設計對白)


[例證三]

pok: 「o靚仔! 你喺我地頭搞事! 有咩頭暈身慶唔好怪我呀!」(設計對白)
da da:「而家呢度邊個莊邊個閒, 明眼人一睇就知! 我使驚你?!」

o靚仔咁寸?! 等我鐵沙掌侍候~~
問你怕未?!

江湖從此多事!!