樣衰衰食包包

最近想將「肥POK生活軼事」呢個分類改為

「瘦POK生活軼事」

唔知係咪因為病咗,

定還是啲手手腳腳拉長咗,

肥POK變瘦POK~

鬼咩....

成日都唔肯食飯~~

食食吓飯又要玩~!!

不過POK媽係採取你食就食, 唔食就擺o既態度~~

唔食o既話我一定唔會攞住碗飯追佢~~

等佢自己知道唔食飯會餓!~

話就話唔會追住佢餵飯啫...

其實....

佢夜晚猛嗌肚餓,

POK 媽咪一樣要就範?!

如果唔畀嘢佢食..

佢會好似怨婦咁不停嗌...

「肚餓....肚餓....肚餓...我肚餓....」

畀佢煩到癲....

最後都係要畀個包 / 畀包餅質住佢把口!!

攬住個包幾開心?!!

不過敗筆係....

買咗個菠蘿包....

食到周圍都係菠蘿包碎~~

食得好投入呀!!

咩美女形象都冇晒~~

諗緊咩呀?

食得唔好嘥, 啜埋手指!!

呢張好似好成熟咁!!
^^

至於呢隻肥仔!!

成20磅!!

下星期要去面對健康院個磅!

到底肥仔有冇OVERWEIGHT呢?!

會唔會好似POK姐咁OVER 100 嗰條線呢?!

下個禮拜自有分曉~~

如果喺BLOG見唔到POK 媽,

記住去FACEBOOK 搵我~~

有時唔得閒寫BLOG,

喺FACEBOOK POST相了事~~

有好多相呢度冇O架!!

Pok家生活軼事

宣傳你的專頁