POK的家長日

最近POK講嘢進步神速....

有時真係畀佢笑屎,

不過呢.....

形容咗出嚟又唔係咁好笑,

置身喺嗰個場景先至會得好笑....

例如:

「豬髀你錫吓媽咪啦!!」

「啜~~」

「我食咗媽咪一啖喇!!.....(自己諗咗一陣).....係錫呀, 唔係食呀!!」

(自己發現自己講錯~~~~)

又例如:

POK 媽啲朋友嚟探我哋,

明明佢不嬲喺廳度,

跟住自己入房「DUM」完一轉之後出番嚟....

佢無喇喇大叫:「點解咁多人o架?!」

又例如:

POK 唔肯瞓覺......

pok爸: 「如果你再唔瞓覺, 大野狼就會嚟問邊個小朋友未瞓覺呀?」

POK:「da da 呀, da da 未瞓覺呀!」

(唏!! 真係慘~~又畀家姐老屈!~)

(你咪得罪老娘呀!!)



上次家長日pok 媽啱啱生完da da 去唔到,

今次係pok 媽第一次以家長身份參加pok姐家長日,

老師話pok姐喺學校o既表現,

其實都同喺屋企差唔多,

霸道、唔同人分享、對沉悶和不斷重覆的東西不感興趣,

(根據pok爸o既描述, 其實同pok媽有啲似~~~hahaha!)

有理由相信 pok 媽係 copy 咗一個自己出嚟~~

老師話 pok 姐除咗講嘢叻之外,

仲感情好豐富,

聽到慘情故仔, 同埋見到同學仔喊,

自己又會喊埋一份~~

值得留意係老師話pok姐手腳唔協調,

hahaha~~

上落樓梯好似個老太婆咁扶到實~~

呢個世界好公平o既...

講嘢叻啲, physical 咪差啲囉~~

其實點都好, pok 姐都係我o既心肝定~~

希望佢成日開開心心~~

唔好誤會我同pok爸錫晒 da da 唔錫佢~~

不過呢隻肥豬仔又真係o既抵錫o既~~

hahaha.....仲未剪頭髮~~!! 後面啲頭髮超長喇!~~