試玩灰熊山

是咁的...

首先利益申報,

因為係 POK 媽想玩灰熊山,

所以有SPONSOR 即時 "LUR" 飯應~~

POK POK 今次去係陪我....

哈哈~~

佢仲未夠大唔玩得,

如果POK媽一個人玩過山車會好驚,

所以掹埋POK媽個「閨」+ 佢老公 + 佢個仔一齊去~~

不過似乎大家除咗玩灰熊山之外,

都唔係咁ENJOY,

事關只有不停的排隊, 同埋不停的排汗.....

熱到暈呀~~

入園之前, 食個包充下飢先~~

POK 媽今次試搭巴士入去,

舒服過喪轉車O既MTR,

不過機場巴士網上資料錯晒,

搞到我哋要等成半粒鐘先有車~~

入園前狀態OK!!

第一站就殺入灰熊山先, 事關未正式開幕, 有時間限制~~ (留意右下角我的閨.......呵呵~)

睇得出落咗好多心機去搭SET~~好勁!

入園前落過雨, 原來就算唔係落緊雨, 都會因為驚雷暴而暫停~~為咗玩而畀雷劈就唔好啦~~

好有氣氛播~~

POK 豬最鍾意玩呢個噴泉, 木板啲 "LA" 會突然噴水.....POK 姐笑不停~~

中招~~

濕晒~~等換衫啦!!

好鍾意呢個射水炮對戰!! 同FRIEND玩好開心的說,
可以有一刻O既涼快, 記得帶套衫去換~~

POK 姐好入戲喎~~

爸爸玩緊過山車, 周圍走~~


離開灰熊山O既時候, 已經變咗隻濕水雞~~仲好臭添~~

到我玩喇~~好緊張~~
POK 媽其實好驚玩有離心力O既機動遊戲,
不過今次灰熊山都唔算好多位有離心力,
相信好多小朋友都玩到,
好有速度感, 仲有兩下好突然倒後~~
我哋由坐最後排變咗第一排~~乜都睇唔到!
有啲驚喜~~
好想再玩, 不過已經夠鐘, 要離開灰熊山喇~~
下次入嚟再玩就要喪排隊喇~~

POK 爸唔想同我合照囉~~
你知道嗎?
其實我哋好耐冇合照喇,
記憶中上次係生DA DA 喺產房呀~~
難得有朋友幫手影,
點都要影番張~~

離開灰熊山~~

臨走有風扇贈送, 簡直係救人一命!!

POK 豬啲頭髮起碼滴少兩滴汗~~

跟住就嚟咗POK姐最鍾意O既.....

咁啱撞到阿胡生, 影番張相~~
(因為影呢張相, 又排咗好耐隊同埋排咗好多汗!
就係因為POK姐一句想影, 點都要排啦~~夠奴隸父母吧!)

今次乜都冇玩, 因為太多人排隊, 彈弓狗要排一粒鐘,
就咁影吓個ABCD BOARD算喇~~頂唔順~~

跟住就去咗人人都玩, 人人都會排O既WINNIE THE POOH,
點之排咗一陣,
POK 豬就......入到去拍極都唔醒~~
O徒晒~~早知唔排啦~~救命!
之後頂唔順要去小小世界過一過冷河~~

最後玩唔使點排O既旋轉木馬作結~~

總括嚟講好似冇乜點玩過嘢咁, 尤其是帶住要瞓晏覺O既小朋友,

基本上佢入到園冇幾耐已經想瞓,

好多嘢都係捱住眼瞓咁玩~~

我仲興奮過佢~~今次都算有試過新嘢, 除咗灰熊山, 仲睇咗MICKEY頒獎禮, 都幾OK~~

特別係扮泰山嗰個猛男, 睇到我流晒口水~~正正正!!

查實POK媽好想玩番巴斯光年啦, 太空山啦, 坐船啦, 小飛象啦, 不過睇怕都冇乜機會~~

今次都係一個好好O既回憶嚟O既~~

因為POK姐起碼知道發生緊咩事, 而且問番佢, 佢會記得~~

下次去......

一定唔會再揀盛夏~!!!