超嗲 da da 豬

以為女仔先至嗲?

NO~NO~NO~

事實證明~~

男仔都好嗲o架~

一向好乖o既da da 豬,

之前擺落床自己識得自娛,

然後自然瞓著~~

而家唔得喇~~

嗲到爆燈~~

一定要人抱抱先至肯瞓,

仲要唔係坐住抱,

一定要企住抱~~

又唔知自己重,

抱得幾分鐘已經手斷,

想坐低唞吓?

咪使旨意!!

佢又會喊晒口叫人企番起身!!

大佬呀!! (其實係細佬先至啱!! ^^)

咁重!!

點抱呀!!

有一日,

pok 媽抱住廿幾磅o既肥仔da da,

想放佢落床,

點知因為有人太重

放落床嗰下唔就力,

一下跣手~~

就將嗲精da da 由床o既半空,

將佢跌咗落床!!!!

呼!!~~

嚇死人咩!!

好彩係跌落床咋~~

跌落地下咪弊?!

叫做有驚無險啦!!

呢隻肥豬,

對腳真係好似好肥好肥o既蓮藕咁~~

令人好肉緊o架!!

只要同佢講吓嘢,

佢就會笑!!

真係冧死阿媽~~

每日都會錫佢好多啖!!