pok媽蒲頭喇~~

pok 家失蹤一陣子,

其實都唔算好耐啫~~

FACEBOOK 有UPLOAD 相O架~~

大家有冇睇呢?

呢排POK媽工作同生活處於一片混亂中,

可能好多嘢都唔識得放手,

搞到自己好忙好忙~

我真係要認真重新編排我O既生活同工作,

希望新同事上手之後會慢慢好啲啦~~

da da 豬仲有兩日就9個月~~

食開美素佳兒O既佢,

原來唔夠碘....

不過都食咗咁多個月,

而家又有食糊仔, 飯仔,

希望冇影響佢啦~~

好擔心!!

不過佢胃口真係唔錯~~

唯有用量去搭夠!!

政府又會咁遲先做嘢?!

其實香港呢個地方已經唔適合香港人居住的吧?!

真激氣!!

好肥O既 da da,

而家抱瘦pok 仲易過抱佢~

佢成廿幾磅,

又肉騰騰,

抱住嗰陣又扭嚟扭去,

抱一陣對手已經攰到好似唔屬於自己咁~~

不過呢~~da da 係好黐身O既BB,

成日要扭人抱抱~~

仲要規定人哋要企喺度,

唔準坐住抱!!

見到佢咁可憐O既樣,

又唔捨得唔抱佢,

不過我諗佢都唔係好明,

點解抱親佢嗰啲大人,

個個都抱一陣就要放低佢O既呢?

呵呵~~

da da 而家坐得好穩陣,

但係鍾意碌嚟碌去,

所以要睇得好緊~~

同埋成日鍾意擺嘢入口囉~~

前兩日先至擺咗塊蚊貼入口咋嘛~~



擰轉面一秒就擺咗入口,

仲要O趙吓O趙吓~~

真係畀佢嚇餐死~~

跟住我扮惡打佢大髀仔~~

點知佢好可憐咁喊~~

知道我鬧緊佢!!

見到 da da 真係好開心O架~~

乜嘢唔開心都擺埋一邊,



不過我哋而家夜晚未必可以晚晚湊da da ~~


多數湊POK姐,

因為佢比較懂性,



要陪伴佢多啲~~




POK 姐講啲嘢實在太好笑,

好似尋晚,

我叫POK姐執番地下啲玩具入箱,

點知佢執得好鬼慢,

佢話: "媽咪, 你同我一齊執啦!"

我: "好啦!" (跟住走咗埋去幫佢執)

佢見我執就停晒手唔執~~

仲要喺側邊嗌: "加油! 加油! 媽咪加油!!"



仲有呀!! 講開「加油!」

上次同佢去商場廁所,

幫佢去完之後, 自己順便去埋,

點知佢喺側邊一邊跳一邊又嗌: "加油! 加油! 媽咪加油!!"

天呀!! 加咩油呀??!!

勁尷尬囉!!

不過每晚可以同POK姐傾計~~



有interaction~~



仲可以知道佢啲諗法~~


無無聊聊又一晚~~

都係另一種開心嚟O既~~

寫住咁多先~~

要做嘢喇!!