衰仔甜心

你哋有冇一種感覺

da da 剪咗頭髮之後, 

好似轉咗第二個階段咁,

好似內在同外在都同時踏進一步~~

之前仲係講好少單字,

而家識講多好多單字

例如: 馬馬, 姐姐, 爸爸, 媽媽, 麻麻, 落地地, 好味味, 蛋糕糕, 朱力力, 餅餅, 奶奶等等..........

手腳就比之前靈活咗好多~~

就算床欄升高咗, 

都完全難佢唔到,

之前都要廿幾三十秒先出到嚟, 

而家不足十秒, 

易過食生菜!

男仔果然係活潑好動啲~~

pok 姐17個月嗰陣我估佢真係諗都冇諗過可以爬出嚟~~

(加上POK姐又輪盡底呢.........)

其實有時都幾曳o架!

捉都捉佢唔住~~

同埋捉住 / 困住佢, 

佢就會鬼殺咁嘈~~

絕對唔可以被困!


特別係有嘢 / 家務要做嗰陣~~

根本唔可以專心!

一個唔留神就走咗去摷垃圾筒~~

執垃圾食~~

真係睇少陣都出事~~


唔只擒高擒低呀~~

仲有開櫃筒搗亂一番~~

又係時候要買啲扣番嚟扣住晒啲櫃筒~~

如果唔係真係會有血案發生~~

不過呢隻肥仔~~

成日都搞出新鮮事~~

每日都學到新嘢~~

真係令人又愛又恨~

當佢做咗衰嘢,

然後送上一個甜笑~~

真係乜仇都唔記得晒~~

你話做阿媽o既見到呢個笑容....

除咗鬧佢一句衰仔~~咁可愛之外......

仲有咩可以講呢?!!