假日好去處 - 觀塘海濱花園

 香港地可以HEA o既地方真係愈嚟愈少,

自從豉油痕攻陷咗呢度每吋土地,

假日連商場都好少去,

pok 爸 & pok媽都好怕多人o既地方,

所以惟有成日喺屋企~~

不過pok & da 叉足電成日喺屋企都唔係辦法,

所以呢排每個禮拜日都好想搵啲地方去~~

某個星期日我哋就去咗觀塘海濱花園~~

之前幫朋友影pre-wedding已經嚟過幾次, 同 pok & da 嚟仲係第一次啫~~

難得好天氣~~

由於pok爸好想影magic hour,

所以等到下晝四五點先至去,

da da 又等到懞豬豬咁o既樣,

勁想瞓覺~~

一去到公園, 

da da 就瞓著喇~~

真係浪費~~

da da 而家真係無時無刻都好需要大片地方畀佢周圍走~~

可惜啊~~

pok 爸惟有影我同pok姐啦~~pose王又出現~~

真正pose王其實係我~~ 

星期日奉旨樣衰衰唔化妝唔戴con~~照影!!

太愛呢大片木板~~

又扮o靚模, 仲要唔係普通嗰種o靚模~~

高登男唔好太噴血, 呢位名副其實真係"BB" 嚟啫~~

斜陽裏氣魄更壯, 斜陽落下豬仔瞓到天矇光~~

公園另一邊有噴水孔, 

從地下噴啲氣同少少水出嚟, 

豬髀開心到跑個不停~~

放電之最佳地點!!

pok 爸 & pok 姐仲上演一幕娘到爆斜陽下飛奔相遇的戲碼~~

嘔~~

其他設施又係好多人....

冇乜點影~~

不過相信呢度係一個龍友熱點, 

影小背心女仔又有, 影婚紗相又有, 影小朋友又有~~

同埋我最愛係嗰套大音響組合, 

播啲 80s歌, 

仲會將歌名用 projector 打上去天橋底~~

真係是日一大收穫~~

呢度冇乜嘢玩o架咋~~

不過pok姐放完電真係大滿足~~

好過呢喺商場咁悶吖~~

呢種滿足仲係完全免費添~~