減肥大計之減肥不捱餓 - 水果篇

oh~~可能我表達能力差~~

令大家有個美麗的誤會,

以為我仲有嘢留番唔share~

其實關於飲食習慣,

我已經share 得七七八八o架喇~~

所以唔好private message 問我秘技,

冇o架~~

如果想跟我一模一樣咁減法,

咁就要去上堂先至做得到~

(需要健康減肥班資料私留啦!)



喂喂喂........唔好啫咀住啦,

聽埋我講先!!

因為之前一篇打唔晒咁多資料

等我逐啲嚟詳細再講吓~~

重溫吓每餐個次序:

1拳頭份量的水果 --> 1拳頭份量的蔬菜 --> 1拳頭份量的蛋白質 --> 掌心窩位份量的澱粉質

首先係每餐第一part,

水果

好多生果都得~~

蘋果, 橙, 奇異果, 梨, 火龍果, 士多啤梨, 石榴, 番石榴, 布冧, 蓮霧等等

好多選擇喎!

太甜o既生果就唔好食咁多喇~~

例如西瓜, 有時真係會好甜, 咁份量唔該減半~!

咁有咩生果係唔好呢?

NO 鮮果汁 (要飲好多先夠纖維, 同埋會唔覺意飲多咗果糖)

NO 芒果, 菠蘿, 提子, 車厘子, 哈蜜瓜, 蜜瓜, 棗, 荔枝龍眼, 柿, 木瓜, 楊桃, 香蕉, 西柚

(原因, 果糖太多!)

另外就係....

MUST NOT 水果乾, 水果罐頭, 牛油果, 榴槤

咁又有人會問喇~~

點解一定要第一樣食咗生果先呢?

我習慣飯後果O架喎!

幫助消化吖嘛!

咁就係錯錯錯錯錯啦!!

5個錯~~

因為生果只需要一個小時就消化完畢,

而肉類就需要四小時.....

如果你食咗肉、澱粉質先, 生果在後, 

咁你諗諗啲生果要等啲肉同澱粉質消化完先至到佢哋消化,

生果擺喺個胃度咁耐會點呢?

咪開始腐化囉~~

你試吓將個食過o既蘋果 (仲要加埋口水胃液) 擺喺枱三個鐘吖, 

睇吓會點?!

咁佢留喺個胃o既時間長咗,

一耐咗就會產生一啲唔好o既物質出嚟~~

咁腸胃點會好呢?

食開飯後果嗰啲,

不妨諗諗改一改個習慣喇~~

生果講完!

(........待續)

重溫:

減肥大計之減肥不捱餓 (一)